________________ છે. આરંભની પંક્તિ નીચે મુજબ છે. “હાં રે મહારે જિન આણા લઈ ઇંદ્રભૂતિ ગણધર જો વિચરે રે.” આ ગહુંલી સીધી સાદી રચનાના નમૂના રૂપ છે. 11. “સહી ચાલોને શ્રી મહાવીરને નમવા જઈએ રે” થી શરૂ થતી ગહુલીમાં કવિએ ભગવાન મહાવીરના સમોવસરણના અલૌકિક સૌન્દર્યનું નિરૂપણ કર્યું છે. અને ભગવાનની દેશના સાંભળી હર્ષ અનુભવે છે. પ્રભુના ચરણોને મુક્તાફળથી વધારે છે. ભગવાન મહાવીરના સૌન્દર્યનું ચિત્રાત્મક વર્ણન કરતી પંક્તિઓ જોઈએ તો - “ચૌદ સહસ મુનિ પરવરિયા, ગુણશીલવત ઉતારીયા રે; અનંત અનંત ગુણે કરી ભરીયા, સમતા રસના દરીયા રે. ત્રિગડાની રચના કરી સારી, ત્રિદશપતિ અતિભારી રે; ગુણશીલવન ઉતરીયા રે આતપત્ર પ્રભુ શિર પર રાજે ભામંડલ કવિ છાજે બેની. સહિ. પા બહુ બાલા મળી ગહુંલી ગાવે, સરવે કંઠ મિલાવે” એમ કહીને કવિ જણાવે છે કે ગહુલી એક બાલા ગવડાવે છે અને બીજી બાલાઓ ઝીલે છે. ગહ્લીમાં સખીનું ઉદ્બોધન નોંધપાત્ર છે. સહી, સખી, સહિયર, બહેની જેવા શબ્દ પ્રયોગ આ પ્રકારની રચનાના આરંભમાં વિશેષ પ્રયોજાય છે.
