________________ દિપાલ ગાંધી નામના નાગર વણિક પોતાના પરિવાર સાથે ખંભાતમાં વેપાર અર્થે આવ્યા. વેપારમાં પૂર્વના પુણ્યથી અઢળક ધન સંપત્તિ પ્રાપ્ત કરી. તેમને અલુઓ નામનો લાડકો પુત્ર હતો. અલુઆની પતીને બાડુચ અને ગંગાધર નામના બે પુત્ર હતા. બાડુચ ગાંધીને પોપટી અને હીરાબાઈ નામની બે પતી હતી. હીરાબાઈને કુંવરજી, ધરમદાસ અને સુધીર નામના ત્રણ પુત્રો હતા. કુંવરજીની પનીનું નામ વીરાબાઈ હતું. પરિવારના સભ્યો ધાર્મિક પ્રકૃતિના હોવાથી પ્રભુપૂજા, સામાયિક, પ્રતિક્રમણ, પૌષધ, પ્રત્યાખ્યાન વગેરે જૈનાચારનું અપૂર્વ શ્રદ્ધાથી પાલન કરતાં હતાં. પરિવારના સભ્યોએ ભેગા મળીને કાવીમાં જિન પ્રાસાદ બનાવવાનો નિર્ણય કર્યો. કુંવરજી ગાંધીએ તપગચ્છાધિપતિ શ્રી વિજયસેનસૂરિની શુભનિશ્રામાં સંપ્રતિ રાજાના સમયની રૂષભદેવની પ્રતિમાવાળું જિન મંદિર બંધાવી પ્રતિષ્ઠા કરાવી. પણ બારણું નીચું હતું એટલે વીરાંબાઈ દર્શન કરવા આવ્યાં ત્યારે પોતે ઊંચી હોવાથી નીચા નમીને દર્શન કરવા જવું પડયું આ પ્રસંગે વહુએ સાસુને કહ્યું કે પુષ્કળ ધન ખર્ચીને ભવ્ય શિખર બનાવ્યું તો બારણું નીચું કેમ કરાવ્યું? ત્યારે સાસુએ મહેણું મારીને કહ્યું કે પિયેરથી ધન મંગાવીને ઊંચું બારણું હોય તેવું જિનમંદિર બનાવો. સાસુના કટાક્ષ વચનથી સ્વમાની વહુએ પોતાના પિયરથી ધન મંગાવ્યું અને સં. ૧૬૫૭માં દહેરાસરનું ખાત મૂહુર્ત કરાવ્યું અને પાંચ વર્ષમાં રતન તિલક પ્રાસાદ બાવન જિનાલયનું નિર્માણ થયું. આ પ્રતિષ્ઠા પ્રસંગ તપાગચ્છાધિપતિ શ્રી વિજયસેનસૂરિની શુભ નિશ્રામાં સંવત 1665 શ્રાવણ શુદિ નવમીને દિવસે અંજનશલાકા મહોત્સવ સહિત ઉજવાયો અને ધર્મનાથ ભગવાનને 90
