Page Text
________________
બ્રહ્મહત્યાના પાપમાંથી બચવા સારૂં મને ક્યાંય છુપાવી લો. રાણીએ કહયું કે આ રાજમહેલ છે, અહીં મોજશોખના સાધનો સિવાય બીજુ કંઇ પણ નથી. રોતાં રોતાં પંડિતે કહયું કે મારી માં મને બચાવ મારા જેવા પોથાપંડિતને બચાવ, ધાર્મિકતા પ્રાપ્ત કર્યા વિનાના મારા જેવા પેટ ભરવાની વિઘાવાળાને બચાવ, ધર્મના ખોટા આડંબરોમાં શ્રધ્ધાળુઓને ફસાવી નાખનાર મારા જેવા કુબ્રાહ્મણને બચાવ, દેવદેવોના માયાચક્ર ઉભા કરી દુનિયાને ધુતી ખાનાર મારા જેવાને બચાવ, ગોમાંસ ખાનાર અને બહારથી પશુહત્યાનો જોરશોરથી વિરોધ કરનાર મારા જેવા ધૂર્તને બચાવ ઇત્યાદિ શબ્દોથી દયાલુ બનેલા રાણીજીએ એક લાકડાની પેટીમાં પંડિતને નાખી, તાલુ મારી ચાવીનો ઝુમખો પોતાની કમરે લટકાવી દ્વાર ઉઘાડવાનો આદેશ દાસીને આપે છે. દ્વાર ઉઘડતાં જ હાથમાં તલવારને મચાવતા રાજાજી પ્રવેશ કરે છે અને રાણી સાથે લાલ આંખ કરતાં પૂછે છે કે - બોલ ! અહીં પંડિત આવ્યો છે. રાણીએ હાં માં જ્વાબ આપ્યો ક્યાં છે ? આ પેટીમાં લાવ ચાવી અને રાણીએ ચાવીનો ઝુમકો રાજાને આપ્યો, ક્રોધની માત્ર તો ૧૦૮ ડિગ્રી પર ચઢી ગઇ હતી, તેથી એક ચાવી, બીજી ચાવી આ પ્રમાણે ધણી ચાવીઓને લગાડવાનો પ્રયત્ન કર્યો. રીસાઇ પણ ગયેલા માનવની જેમ રીસાયેલું તાલું ન ઉઘડયું તે ન જ ઉઘડયું, માવડીની કુક્ષિમાં પૂરાયેલા ગર્ભગત જીવની જેમ પેટીમાં પૂરાયેલા પંડિતજી પણ ભયગ્રસ્ત બન્યા અને ગભરાટમાં ને ગભરાટમાં પંડિતને પેશાબ (મેક વોટર) આવી ગયું. અને પેટીની તિરાડમાંથી બહાર આવવા લાગ્યું આ જોઇને રાણીના મનમાં થયું કે બિચારો પોથીપાનાનો પંડિત, ધર્મના નામે દુનિયાને ધુતી ખાનાર પંડિત મરી જશે અને મને બ્રહ્મહત્યાનું પાપ લાગશે. આવી સ્થિતિમાં વાણીયાભાઇની માફક પાઘડીને ફેરવતી અને સ્રી ચરિત્રની સહજ અભ્યાસિની રાણીજીએ પણ બાજી ફેરવતાં કહયું કે - રાજાજી! સંસાર કહે છે કે રાજાવાજા અને વાંદરા એક સમાન જ હોય છે. મોટા માણસોને સાન નથી, ભાન નથી તેમ કાન પણ હોતા નથી. આપ શ્રીમાન્ આટલું પણ ન વિચારી શક્યા કે - પંડિત અહી આવ્યો હોત તો હું શા માટે તમને કહેવાની હતી. પેટીમાં હોત તો ચાવીઓ તમને શી રીતે આપી દેવાની હતી. ત્યારે આ શું થયું? રાણીએ કહયું કે, શ્રાવણ સુદ - ૧૫, રાખડી પૂનમના દિવસે ભાઇને રાખડી બાંધવા ગઇ, ત્યારે તેમને મને બહું જ ઊંચી જાતના ગુલાબ, મોગરા, હીના, કેવડા, ચંપા, ચમેલાના અત્તરના બાટલા આપ્યા હતા. તે તમારી અણઆવડતથી પેટીમાં ભાંગી ગયા છે. આ બધુ અત્તર છે. દિગમૂઢ થયેલા રાજાના કપડા દાસીઓએ ઉતાર્યા અને અત્તરની માલીશ કરી. થોડું ચરચર થયું. અને રાજાને બાથરૂમમાં લઇ
-
૭૫
| SR No. | 032712 |
| Book Title | Sansarna Dukhona Karno 18 Paapsthanak |
| Original Sutra Author | N/A |
| Author | Purnanandvijay |
| Publisher | Khushalbhai Jagjivandas |
| Publication Year | 1993 |
| Total Pages | 212 |
| Language | Gujarati |
| Classification | Book_Gujarati |
| File Size | 20 MB |