Page Text
________________
અવતારો પૂર્ણ કર્યા પછી લબ્ધ (મેળવેવ) માનવાવતારમાં રાગ અને દ્વેષનો ત્યાગ જેટલા પ્રમાણમાં કરવામાં આવશે તેટલા પ્રમાણે સુખ-શાન્તિ, આઝાદી અને
આબાદી ને પ્રાપ્ત કરતો માનવ ભવાન્તરોમાં સુખી બનવા પામશે. ૪. ભૌતિક પદાર્થોના કારણે વધારેલા રાગ-દ્વેષ કોઈને પણ સુખ-શાન્તિ આપી શકે
તેમ નથી માટે જ સર્વસ્વનો ત્યાગ માર્ગ શ્રેષ્ઠ ધર્મ છે, તે કદાચ ન બની શકે તો અલ્પાંશનો પણ ત્યાગ કરી સામેવાળાને શત્રુ બનાવશો નહી કારણકે ભવયાત્રા હજી લાંબી છે.
૫ તમારા કામભોગોને, ઐવર્યને તથા શરીરની મુલાયમતાપણાને મર્યાદિત કરવાના પ્રયત્ન કરશો તો લાખો કરોડો માનવો સાથે મૈત્રીભાવ બાંધવાના હકદાર બની શકશો!
જૈન મહાભારત પ્રમાણે શૂરવીર, ધીર ને ઇન્દ્રિય વિજેતા રાજા ઉગ્રસેન મથુરા નગરની રાજગાદી શોભાવી રહયા હતા. ત્યાં માનવો પણ ઉદારતા, દાન પ્રેમ તથા સત્યધર્મના પક્ષપાતી હતાં. સ્ત્રિયો પણ મર્યાદા પ્રમાણે શિયળધર્મ, સદાચાર ધર્મ તથા ખાનદાની ધર્મને શોભાવનારી હતી પ્રજા પણ ધર્મપ્રેમી, અહિંસક તથા નીતિન્યાયમાં પૂર્ણ શ્રદ્ધવાળી હતી. એક દિવસ પ્રસિદ્ધિપ્રાપાત માસખમણને પારણે મા ખમણ કરનાર તપસ્વી, તાપસ સાધુ મથુરામાં પધાર્યા - રાજા ઉગ્રસેને પણ તેમને વન્દન કરવાપૂર્વક, ચાલી રહેલા માસખમણનું પારણું મારે ત્યાં થાય તેવી ઇચ્છા દર્શાવી રાજાની વિનંતીને માન્ય કરી યથાસમયે તાપસ રાજમહેલમાં આવ્યો પણ -- સંસારના માયા ચક્રનો આ જ ચમત્કાર છે કે, આજ સમયે (પ્રસંગે) શારીરિકાદિ વિપત્તિને કારણે બેધ્યાન બનેલા રાજાને પારણાનો ખ્યાલ ન રહેવાથી પારાણું કર્યા વિના જ તાપસ પોતાના આશ્રમમાં આવ્યો અને પુનઃ બીજા માસક્ષમણનો પ્રારંભ કર્યો ભવિતવ્યતાના યોગે બીજા અને ત્રીજા માસક્ષમણનું પારણું પણ રાજા ન કરાવી શકો હવે તાપસની જ્ઞાનગ્રન્થિઓ, ક્રોધાવેશના કારણે અતિશય શિથિલ બનતાં નિદાનગ્રસ્ત બનેલા તાપસે આગામી ભવમાં રાજાને કોઇપણ રીતે મારનારો બનું. (મારવો) આ રીતે મકકમતાપૂર્વક રાજા ને દ્વેષ ગ્રન્થિરૂપ બંધનથી બાંધી લીધો અને તાપસ ભવ પૂર્ણ કરી બાંધેલા નિયાણાને સફળ કરવા - રાજા ઉગ્રસેનની ધારિણી રાણીની કુક્ષિમાં અવતરિત થયો. પૂર્ણમાસે જન્મતાની સાથે જ પિતાના ઘાતક સ્વરૂાઓના આધારે જાત સંતાનને કાંસાની પેટીમાં મુક્યો અને તે પેટી યમુના નદીમાં પ્રવાહિત કરી તે સમયે કિનારે આવેલા વણિકે પેટીને બહાર કાઢી, ખોલી અને સૂર્યની જેમ ચમકતાં શિશુને હાથમાં લઈ સ્વપતીને સોંપી દીધો.
૧૬૦
| SR No. | 032712 |
| Book Title | Sansarna Dukhona Karno 18 Paapsthanak |
| Original Sutra Author | N/A |
| Author | Purnanandvijay |
| Publisher | Khushalbhai Jagjivandas |
| Publication Year | 1993 |
| Total Pages | 212 |
| Language | Gujarati |
| Classification | Book_Gujarati |
| File Size | 20 MB |