________________
કહે, કલાપૂર્ણસૂરિ' તેમજ “કહ્યું, કલાપૂર્ણસૂરિએ' આપના આ બંને પુસ્તકો એક વ્યક્તિ પાસે હતા તે જોયા. ઘણો આનંદ થયો. વીરવાણીની કેવી સુંદર રસલ્હાણ કરો છો ? ભૂરિ ભૂરિ અનુમોદના.
- મહાસતી પદ્માબાઈ
રાજકોટ
પ્રત્યક્ષ ગુરુ ભગવંતની વાચનાનો લાભ તો અમને ન મળી શકે, પણ પુસ્તકારૂઢ તેમના પવિત્ર શબ્દો વાંચવાનો લાભ મળ્યો, તેથી પણ ધન્ય બન્યા. ધન્ય છે આપ જેવા સંતસતીજીઓને, જેઓ આ. ભગવાનની મધુરી વાચના લઈ જીવનને ધન્ય બનાવતા હશે.
પુસ્તક વાંચતાં ખ્યાલ આવે છે કે વાંકી તીર્થે પ્રશ્નોત્તરીની કેવી રમઝટ જામી હશે ?
- મહાસતી કમલપ્રભાશ્રી
કકરવા, કચ્છ
કહે કલાપૂર્ણસૂરિ' પુસ્તક મળ્યું ને મને લાગ્યું : મારી પ્રાર્થના ફળી.
પૂજ્યશ્રીના પ્રવચનો મદ્રાસ તેમજ બેંગ્લોર ખાતે સાંભળવા મળ્યા, પણ ટેપ કરવાની છૂટ ન હતી. કારણ કે આપ લોકો માઈકનો ઉપયોગ કરતા નથી. જીવ બહુ જ મુંઝાતો હતો : મનની શાન્તિ માટે ટેપ હોત તો ક્યારે પણ સાંભળી શકાત. આ પ્રાર્થનાનું ફળ ૭-૮ વર્ષ પછી મળ્યું. હવે મારી પાસે પૂજ્યશ્રીની વાણીનું પુસ્તક જ આવી ગયું. જ્યારે ઈચ્છીએ ત્યારે વાંચી શકાય.
આ પુસ્તક બદલ આપ સૌનો ઉપકાર માનું તેટલો ઓછો ગણાય.
- ધીરૂભાઈ ઠક્કર આબરડી-કચ્છ (હાલ : મદ્રાસ)
“કહે, કલાપૂર્ણસૂરિ' પુસ્તક અમારો સ્વાધ્યાયગ્રન્થ બની ગયો છે. આ પુસ્તકનો અમે દરરોજ સાથે મળીને સ્વાધ્યાય કહે, કલાપૂર્ણસૂરિ-૩ * * * * * * * * * * * * * ૩૮૦
