________________
સંસ્કૃત ન જાણનારા પણ એ આનંદ મેળવી શકે. માટે જ ગુજરાતી કૃતિઓ બનાવી છે. જ્ઞાન સાથે અહીં કોઈ સંબંધ નથી. ભાષા સાથે લાગે – વળગે નહિ. અભણ પણ પ્રભુ-પ્રેમ પામી શકે. આ માત્ર વિદ્વાનોનો ઈજારો નથી.
હું કાંઈ વિદ્વાન નથી. કેટલું ભણ્યો છું તેની મને ખબર છે. પણ જ્યારે જે જરૂરી હોય તે યાદ આવી જાય. પ્રભુ બરાબર આપી દે છે. પ્રભુ બોલાવે તેમ બોલું છું.
» સુવિધિનાથ ભગવાનના સ્તવનમાં પૂ. દેવચન્દ્રજી કહે છેઃ
પ્રભુ ! મારા ગુણો ભલે ક્ષયોપશમના છે, પણ તે ભળ્યા છે, આપના ક્ષાયિક ગુણો સાથે. હવે શું બાકી રહે? બિંદુ સિંધુમાં ભળે. પછી અક્ષય બની જાય તેમ આપણું ક્ષુલ્લક જ્ઞાન, ક્ષુલ્લક ગુણો પ્રભુના ગુણોમાં ભેળવી દઈએ તો વિરાટ બની જાય, અખૂટ બની જાય.
શુદ્ધ સ્વરૂપી પ્રભુમાં આપણી ચેતના ભળી જતાં તેનો આસ્વાદ મળે છે. આ થઈ શુદ્ધ પ્રતિપત્તિ પૂજા.
તમને આ વિષય ગમ્યો ? પ્રશ્ન એટલા માટે પૂછું છું કે તમારી જિજ્ઞાસા જાણી શકું.
અત્યારે નમઃ નું વર્ણન ચાલે છે. નમઃ પૂજા અર્થમાં છે. પૂજા એટલે સંકોચ. આપણે તો દ્રવ્યથી પણ સંકોચ કરતા નથી. અમદાવાદી' ખમાસમણું આપીએ છીએ.
પૂ. હેમચન્દ્રસાગરસૂરિજી : આપ પણ અમદાવાદી જ ને ?
પૂજ્યશ્રી ઃ નહિ, હું રાજસ્થાની છું. ગુજરાતી બોલું છું, પણ ગુજરાતી નથી.
પૂજ્ય દેવચન્દ્રજી આદિના પ્રાચીન સ્તવનો અત્યંત ભાવથી ભરેલા છે. એ વારંવાર એટલા માટે બોલવાના છે કે એમના ભાવો આપણને પણ સ્પર્શે. આ બધા કર્તાઓએ ધ્યાન દ્વારા પ્રભુ સાથે અભેદ સાધેલો છે, એ એમની કૃતિઓથી જણાય છે.
• પ્રભુ કહે છે : તું તો હજુ મિત્રના ઘરમાં છે. હજુ ક્યાં સ્વ-ઘરમાં આવ્યો છે ? હું તો તને મારા જેવો બનાવવા માંગું છું. ૧૨મા ગુણઠાણા સુધી હજુ મિત્રનું ઘર કહેવાય.
કહે, કલાપૂર્ણસૂરિ-૩
* * * * * * * * * * * * ૧૫૯
