________________
જ્ઞાનદશા જે આકરી, તે ચરણ વિચારો;” નિર્વિલ્પ ઉપયોગમાં, નહિ કર્મનો ચારો. બન્ને એક જ વાતને કહે છે.
જે રીતે જાણેલું હોય તે રીતે જીવવું તે જ જ્ઞાનની તીણતા! તે જ ચારિત્ર !
અહીં ચૈત્યવંદન વિષે તમે શીખો છો. શીખ્યા પછી ચૈત્યવંદન તે મુજબ જ કરો તો તે જ્ઞાન તીક્ષ્ણ બની જાય.
અશુભ વિકલ્પમાં પાપનો આશ્રવ. શુભ વિકલ્પમાં પુણ્યનો આશ્રવ.
નિર્વિકલ્પ દશામાં સંપૂર્ણ સંવર. (૬) ઉક્ત ક્રિયા :
જે રીતે મુદ્રાદિ માટે લખ્યું તે રીતે શક્તિ પ્રમાણે કરવું તે ઉક્ત ક્રિયા. હું અત્યારે ડાબો પગ ઉંચો નથી કરી શકતો. કારણ કે તેવી શક્તિ નથી. માટે લખ્યું : યથાશવિત્તઃ |
આહારના જ્ઞાન માત્રથી ભૂખ ન ભાંગે. દવાની જાણકારી માત્રથી આરોગ્ય ન મળે. ચૈત્યવંદનની જાણકારી માત્રથી સફળતા ન મળે.
દવા ન લઈને તમે રોગ માટે ફરીયાદ ન કરી શકો. ઉક્તક્રિયા નહિ કરીને તમે ચૈત્યવંદનમાં આનંદ નથી આવતો, તેમ ફરીયાદ ન કરી શકો. પૂર્ણ ફળ જોઈતું હોય તો જાણેલું અમલમાં મૂકવું જ રહ્યું. અહીં કહ્યા મુજબ ચૈત્યવંદન કરશો તો આ જ જન્મમાં તમે ન્યાલ થઈ જશો. અહીં જ આનંદનો અનુભવ થશે.
• લોગસ્સ એટલે શું ?
૨૪ ભગવાનની સ્વયં ગણધરો દ્વારા કરાયેલી સ્તુતિ. ગણધરોની ગૃહસ્થપણાની સ્થિતિ આપણે જાણીએ છીએ. ભગવાન મળ્યા પછીની સ્થિતિ પણ આપણે જાણીએ છીએ. તેઓ તો એમ જ માને ઃ અમે સાવ જ લોઢે હતા. ભગવાને અમને સુવર્ણ બનાવ્યા.
તેઓ ભગવાનને કઈ રીતે ભૂલી શકે ?
૧૩૦
* * * * * * * * * * * * * * કહે, કલાપૂર્ણસૂરિ-૩
