________________
લીલું હૈયું સર્વ જીવોના આશ્રયનું કારણ બને છે.
તુકારામ રસ્તે જતા'તા ને ચણતા કબૂતરો ઊડી ગયા. તુકારામના હૃદયમાં ઘા પડ્યોઃ મારા દ્વારા કેટલું દુઃખ થયું ? કેટલો અંતરાય થયો ? કોઈની ભૂખ તો કદાચ હું ન ભાંગી શકું, પણ કોઈને સુખે ખાવાય ન દઉં ? આવું મારું જીવન ?
તેઓ ત્યાં જ બેસી ગયા, નક્કી કર્યું : જ્યાં સુધી કબૂતર પાછા ન આવે ત્યાં સુધી અન્ન-જળનો ત્યાગ !
તુકારામની સંકલ્પ શક્તિથી કબૂતરો પાછા આવીને તેમના
ખભે બેઠા.
―
એક બેનના હાથમાંથી વીંટી નીચે પડી ગઈ. બીજા બેને કહ્યું : બહુ ખોટું થયું.
પેલીએ કહ્યું : બહુ ખોટું નથી થયું, ચોરાઈ હોત તો સારું થાત. કમ સે કમ કો'કના ઉપયોગમાં તો આવત ! ખોવાઈ ગઈ તો કોને કામ આવશે ? યોગી ન બનીએ તો કોઈને ઉપયોગી તો બનીએ !
સૌ પ્રથમ ઘરથી મૈત્રીનો પ્રારંભ કરવો પડશે. ઘરમાં નોકર આદિથી પ્રારંભ કરો. માટે જ કલ્પસૂત્રમાં કૌટુંબિક શબ્દ, નોકરો માટે વાપરવામાં આવ્યો છે.
નોકર તમને ક્યારેય કુટુંબી લાગ્યો ?
પ્લાસ્ટીકના ફૂલ રૂપાળા લાગે, પણ હુંફાળા નહિ. શ્રીમંત પણ રૂપાળા લાગે, પણ હુંફાળા નહિ. હુંફાળા બનવા માટે મૈત્રીથી ભાવિત બનવું પડે.
ભક્તિ, મૈત્રી અને શુદ્ધિને જન્મ આપે છે. ભક્તિથી શુદ્ધિ, શુદ્ધિથી સિદ્ધિ મળ્યા વિના ન રહે.
ભક્તિની વ્યાખ્યા : જે રીતે હમણાં પૂજ્યશ્રીએ [પૂજ્ય આ. શ્રી વિજય કલાપૂર્ણસૂરિજીએ] કહ્યું તેમ પ્રભુને પૂર્ણ સમર્પણ.
I am nothing. હું કાંઈ નથી.
I have nothing. મારી પાસે કાંઈ નથી.
કહે, કલાપૂર્ણસૂરિ-૩
૧૦૩
