________________
ભાવતીર્થંકર પણ બે પ્રકારે છે.
એક તો સાક્ષાત્ ભગવાન સ્વયં.
બીજો ભગવાનના ઉપયોગમાં રહેલો આપણો આત્મા.
પ્રભુ નામ જપતા રહીએ તેમ તેમ પ્રભુનું સાન્નિધ્ય અનુભવાશે.
નામ ગ્રહંતા આવી મિલે, મન ભીતર ભગવાન.
નામ સાથે એકાગ્ર બનવાથી પ્રભુ સામીપ્ય જૈનેતર મીરાં, રામકૃષ્ણ કે નરસૈંયાને અનુભવાયું છે. પ્રભુ-નામ સિવાય તેમને ક્યો આધાર હતો ?
પ્રભુના હજારો નામ છે. કોઈપણ નામે પ્રભુને જપો. પ્રભુ હાજર થઈ જશે.
પૂ.આ.શ્રી હેમચન્દ્રસાગરસૂરિજી : એ કઈ રીતે ? એમની માન્યતા તાત્ત્વિક શી રીતે કહેવાય ?
પૂજ્યશ્રી : આપણે સંપૂર્ણ નથી પકડવાનું. થોડુંક જ લેવાનું છે. જુઓ કલ્યાણમંદિરમાં ઃ ત્વમેવ વીતતમસં
પ્રભુ ! તેઓ ભલે હરિહર રૂપે ભજે, પણ વસ્તુતઃ તને જ ભજે છે. શંખ સફેદ જ હોય, પણ કોઈ નેત્રરોગીને પીળા વગેરે રંગનો દેખાય, તેથી શું થઈ ગયું ? શંખ થોડો પીળો થવાનો છે ? આખું શક્રસ્તવ વાંચો. બુદ્ધ, મહાદેવ, શંકર, બ્રહ્મા, વિષ્ણુ વગેરેના નામો પ્રભુના જ નામો છે.
આગળ વધીને કહું તો દુનિયાના બધા જ સુવાક્યો, બધું જ સુસાહિત્ય ભગવાનનું જ છે. અહીંથી જ ઊડેલા છાંટા છે, ♦ પ્રભુ નામથી જીભ અને
સ્થાપનાથી આંખ નિર્મળ બને.
આપણે ભલે ભગવાનને કહીએ : હું પતિત છું, પાપી છું, પણ ભગવાન આપણને તેવા નથી માનતા, તેઓ તો પૂર્ણરૂપે જ જુએ છે,
૭૬
દોષ લેવા હશે તે દોષ જોશે. ગુણ લેવા હશે તે ગુણ જોશે.
# કહે, કલાપૂર્ણસૂરિ-૩
