________________
विट्ठस्स निगिज्झिय २ बुटिकाए निवएज्जा कप्पइ से अहे आरामं० अहे उवस्सयं० वा उवागच्छित्तए, तत्थ नो कप्पइ एगस्स निग्गंथस्स एगाए य अगारीए एगयओ चिट्ठित्तए, एवं चउभंगो, अत्थि या इत्थ केइ पंचमए थेरे वा थेरिया वा अन्नेसिं वा संलोते सपडिदुवारे एवं कप्पइ एगयओ चिट्ठित्तए ॥२६०॥ ऐवं चेव निग्गंथीए अगारस्स य भाणियव्वं ॥२६१॥
वासावासं पज्जोसवि० नो कप्पइ निग्गंथाण वा निग्गंथीण वा अपरिन्नएणं अपरिन्नयस्स अट्टाए असणं वा ४ जाव पडिग्गाहित्तए, से किमाहु भंते !? इच्छा परो अपडिन्नते मुंजिज्जा, इच्छा परो न मुंजिज्जा ॥ २६२॥
वासावासं० नो कप्पइ निग्गंथाण वा निग्गंथीण वा उदउल्लेण वा ससणिद्वेण वा कारणं असणं वा ४ आहारित्तए॥२६३॥ से किमाह भंते!? सत्त सिणेहायतणा, तं जहा-पाणी पाणीलेहा नहा नहसिहा भमुहा अहरोट्ठा उत्तरोट्ठा। अह पुण एवं जाणेज्जा-विगओअए से काए छिन्नसिणेहे एवं से कप्पइ असणं वा ४ आहारित्तए॥२६४॥
वासावासं प० इह खलु निग्गंथाण वा निग्गंथीण वा इमाई अट्ट सुहुमाई, जाइं छउमत्येणं निग्गंथेण वा निग्गंथीए वा अभिक्खणं २ जाणियव्वाइं पासियव्वाइं पडिलेहियब्बाइं भवंति,तं०-पाणसुहुमं पणगसुहुमं बीयसुहुमं हरियसुहुमं पुप्फसुहुमं अंडसुहुमं लेणसुहुमं सिणेहसुहमं ॥२६५॥ से किं तं पाणसुहमे ? २ पंचविहे पण्णत्ते, तं जहा किण्हे नीले लोहिए हालिद्दे सुकिले, अत्थि कुंथू अणुद्धरी नामं जा ठिया अचलमाणा छउमत्थाणं णिग्गंथाण वा णिग्गंथीण वा नो चक्खुमासं हव्व१ - एतन्मध्यगत : पाठ : छ एव वर्तते ॥ २ अपरिन्नत्तणं अपरिन्नत्तस्स च-छ॥
