________________
यगोत्ते। थेरस्स णं अजसीहगिरिस्स जातिसरस्स कोसियगोत्तस्स अंतेवासी थेरे अजवइरे गोयमसगोत्ते। थेरस्स णं अज्जवइरस्स गोयमसगोतस्स अंतेवासी चत्तारि थेरा-थेरे अज्जनाइले थेरे अज्जपोगिले थेरे अज्जजयंते थेरे अज्जतावसे । थेराओअज्जनाइलाओ अज्जनाइला साहा निग्गया, थेराओ अज्जपोगिलाओ अज्जपोगिला साहा निग्गया, थेराओ अज्जजयंताओ अज्जजयंती साहा निग्गया, थेराओ अज्जतावसाओ अज्जतावसी साहा निग्गया इति॥२०६॥
वित्थरवायणाए पुण अज्जजसभदाओ परओथेरावली एवं पलोइजइ, तं जहा-थेरस्स णं अजजसभहस्स इमे दो थेरा अंतेवासीअहावच्चा अभिन्नाया होत्था, तं जहा-थेरे अजभद्दबाहू पाईणसगोत्ते, थेरे अज्जसंभूयविजये माढरसगोत्ते। थेरस्स णं अज्जभद्दबाहुस्स पाईणगोत्तस्स इमे चत्तारि थेरा अंतेवासी अहावच्चा अभिण्णाया होत्था, तं०-थेरे गोदासे थेरे अग्गिदत्ते थेरे जण्णदत्ते थेरे सोमदत्ते कासवगोत्ते णं। थेरेहितोणं गोदासेहिंतो कासवगोत्तेहिंतो एत्थ णं गोदासगणे नामंगणे निग्गए, तस्स णं इमाओ चत्तारि साहाओ एवमाहिज्जंति, तं०-तामलित्तिया कोडीवरिसिया पोंडवद्धणिया दासीखब्बडिया॥२०७॥ थेरस्स णं अज्जसंभूयविजयस्स माढरसगोत्तस्स इमे दुवालस थेरा अंतेवासी अहावच्चा अभिण्णाया होत्था, तं जहा-नंदणभद्दे उवनंदभद्द तह तीसभद्द जसभद्दे । थेरे य सुमिणभद्दे मणिभद्दे य ए॒नभद्दे य॥१॥थरे य थूलभद्दे उज्जुमती जंबुनामधेज्जेय। थेरे य दीहभद्दे थेरे तह पंडुभद्दे य ॥२॥ थेरस्स णं अज्जसंभूइविजयस्स माढरसगोत्तस्स इमाओ सत्त अंतेवासिणीओ अहावच्चाओ अभिन्नाताओ
१ अज्जपोग्गिले ख। अज्जयोमिले ग ॥ २ अज्जपोग्गिलाओ अज्जपोग्गिला ख । अज्जवोमिलाओ अज्जयोमिला ग॥३ गोदासे नाम छ ॥४दामखवडिया छ ॥५ सुमण ग-घ-च-छ॥ ६ गणिभद्दे क-ख ॥ ७ पुप्फभद्दे क ॥ ८ ०मती अन्जजंबुनामे य छ ।
