________________
કલ્પના નથી જોડાતી. ન બનાવ તેને અડકી શકે છે, ન તેનું મન બનાવને સ્પર્શે છે. ધ્યાનનાં કામ છે વિઘટન કરવું, તોડવું, બનાવથી મનને તોડવું પછી બનાવ પોતાને સ્થાને રહે અને મને પોતાને સ્થાને. આથી મહત્વની વાત એ બને છે કે સાધક સાત ભયોમાંથી મુક્તિ પામી શકે છે. તેમાંય સૌથી મોટો ભય મૃત્યુ, જે એક બનાવ જ છે, તેનાથી સાધક ભયમુક્ત બની જાય છે અને સફળ આંનદી જીવન જીવી શકે છે.
મહામંત્રનું વૈજ્ઞાનિક વિશ્લેષણ કરતા જે કોઈ અનુભવાત્મક વાતો ટાંકી તેમાં સંદેહ કરવાને કોઈ સ્થાન નથી. કારણ કે પરોપકાર પરાયણ ત્રિકાલદર્શી મહાનુભાવ પૂર્વાચાર્યોના વિશુદ્ધભાવથી નીકળેલા હૃદયંગમ શબ્દો સર્વથા ભ્રમ વગરના પ્રમાણભૂત અને પૂર્વાપર વિરોધ વગરના હોવાથી અત્યંત માનનીય છે. જેને મહામંત્રથી થતા ઉપર્યુક્ત અનુભવોમાં શંકા થાય તેનામાં વિષયના જોઈતા જ્ઞાનનો અભાવ અથવા યથાર્થ વિધિનો અભાવ કારણભૂત હોય છે. સાધકે પણ પાત્રતા કેળવણી જરૂરી છે.
આમ, આ નવકારમંત્ર એ કોઈ અવાસ્તવિકતા કે માત્ર શ્રદ્ધાનો વિષય નથી પરંતુ અક્ષરોનું વાસ્તવિક વિજ્ઞાન છે. જે માનવમન પર પોતાની અસર પાડી શકે છે ને સિદ્ધિઓનો સ્વામી બનાવી શકે છે.
આ પુસ્તકની સમગ્ર લેખિત ચર્ચા દરમ્યાન અલ્પજ્ઞતાને કારણે મારાથી કાંઇ વીતરાગપ્રભુની આજ્ઞા વિરૂધ્ધ લખાયું હોય તો વિધ્વજનો મને ક્ષમા કરે.
- ડૉ. છાયા શહ.
[૧૦૩
