________________
પરિશિષ્ટ - ૧ તીર્થંકરપ્રભુના વાર્ષિકદાનના છ અતિશયો
(૧) સૌધર્મેન્દ્ર પ્રભુના હાથમાં શક્તિનો સંચાર કરે, જેથી પ્રભુ દાન માટેનું
દ્રવ્ય લેતાં અને યાચકોને તે આપતાં થાકે નહીં. પ્રભુ અતુલ શક્તિવાળા
છે, છતાં દેવોનો આવો આચાર હોય છે. (૨) ઈશાનેન્દ્ર રત્નજડિત છડી લઈને ઊભો રહે છે અને યાચકના ભાગ્ય
પ્રમાણે યાચક પાસે મંગાવે છે. (૩) ચમરેન્દ્ર-બલીન્દ્ર પ્રભુની મુઠીમાં ઓછું કે વધારે ધન હોય તો
યાચકના ભાગ્ય પ્રમાણે વધ-ઘટ કરે છે. (૪) ભવનપતિદેવો અન્ય સ્થાનેથી મનુષ્યોને ભગવાન જ્યાં વર્ષીદાન
આપતાં હોય ત્યાં લઈ આવે છે. (૫) વ્યંતરદેવો તે મનુષ્યોને પોતપોતાના સ્થાને પાછા મૂકી આવે છે. (૬) જ્યોતિષદેવો પ્રભુના વાર્ષિકદાન વખતે વિદ્યાધરો અને મનુષ્યોને ખબર
આપે છે.
*
*
*
*
*
હે દેવાધિદેવ ! સ્વર્ગની સમૃદ્ધિથી પણ મને સંતોષ નથી. તેથી આપની પાસે યાચના કરું છું કે આપના પ્રત્યે મારી ભક્તિ ઘણી અને અક્ષય થાઓ.
હે દીનબંધુ ! જેમ મંદબુદ્ધિવાળાઓને ગ્રન્થોનો અભ્યાસ માત્ર કલેશ માટે થાય છે તેમ આપના પ્રત્યે ભક્તિ વિનાના જીવોના અતિ મોટા તપો પણ માત્ર ફ્લેશ માટે થાય છે.
હે પરમાત્મા ! આપના દર્શન માત્રથી પણ જીવ અન્ય કાર્યો ભૂલીને આત્મામાં રમતો થઈ જાય છે તો આપની દેશના સાંભળવાથી તો શું કહેવું !
૬૦....
