________________
કલ્યાણકોની આરાધના કરીએ તો આપણા બાહ્ય અને અત્યંતર જીવનમાં ઘણાં ફેરફારો થાય-બહાર સમૃદ્ધિ વધે, અંદર ગુણો વધે. બહાર પુણ્ય વધે, અંદર શુદ્ધિ વધે. ગુણો અને શુદ્ધિ વધતા એક દિવસ આપણો આત્મા સર્વગુણસંપન્ન અને સર્વવિશુદ્ધ બને છે.
કલ્યાણકોની આરાધના એ એક અવ્વલ કોટીની આરાધના છે. આપણા સદ્ભાગ્યે આ આરાધના આપણને મળી છે. ચાલો, કલ્યાણકોની આરાધનામાં જોડાઈ જઈએ અને આપણા જન્મને સફળ કરીએ.
*
*
*
*
*
હે કરુણાનિધાન ! જો આપ વીતરાગ છો તો આપના હાથપગમાં રાગ (રંગ) કેમ છે ? જો આપે વક્રતા છોડી દીધી છે તો આપના વાળ કેમ વાંકા છે ? જો આપ પ્રજાના પાલક છો તો આપના હાથમાં કેમ દાંડો નથી ? જો આપ સંગ રહિત છો તો આપ ત્રણ લોકના નાથ કેમ છો ? જો આપ મમતા રહિત છો તો આપ બધા પર કરુણાવાળા કેમ છો ? જો આપે અલંકારો છોડી દીધા છે તો આપને રત્નત્રયી કેમ પ્રિય છે ? જો આપ દયાળુ છો તો આપે કામનો નિગ્રહ શી રીતે કર્યો ? જો આપ ભય વિનાના છો તો સંસારથી કેમ ભયભીત છો ? જો આપ ઉપેક્ષા કરનારા છો તો આપે વિશ્વ પર ઉપકાર શી રીતે કર્યો ? જો આપ સ્વભાવથી શાંત છો તો આપે લાંબા કાળ સુધી તપ કેમ કર્યો ? જો આપ ગુસ્સા રહિત છો તો આપે કર્મો પર ગુસ્સો કેમ કર્યો ? જો આપ વિશ્વને અનુકૂળ છો તો મિથ્યાદૃષ્ટિના દુશ્મન કેમ છો ? | હે સ્વામી ! હું ઈચ્છું છું કે આપને જોવા મને અનંત આંખો મળે, આપની સ્તવના કરવા મને અનંત જીભો મળે અને આપની પૂજા કરવા મને અનંત હાથો મળે.
...૫૯...
