Shrutgyanna Ajwala

SR No.: 032446
Original Sutra Author: N/A
Author: Gunvant Barvalia
Publisher: Navbharat Sahitya Mandir
Publication Year: 2010
Total Pages: 172
Language: Gujarati
Classification: Book_Gujarati
File Size: 13 MB

Page 140

0 0 0 0 0 0 0 0 0 2 ' pe pe pe 9 90 9 ટૂંકમાં તેઓ ભારતની સંસ્કૃતિના અજોડ પુરસ્કર્તાની પ્રતિકૃતિ સમ
હતા.
સમ્યક્ત્વ
પ્રભુદાસભાઈના બધાં જ આંતરિક ગુણોના શિખર ઉપ૨ સોનાના કળશ જેવો તેમનો ગુણ હતો. તેમનું શુદ્ધ, અડગ સમ્યક્ત્વ પ. પૂ. શ્રી કાંતિવિજયજી મહારાજ શ્રી પંડિતજીનું જીવન જોઈ કહેતા “પ્રભુદાસભાઈના જેવું સમ્યગદર્શન પ્રાપ્ત કરવા હજુ અમારે કેટલાય ભવો કરવા પડશે.''. ‘દાદા' તરીકે પ્રસિદ્ધ વયોવૃધ્ધ વખતસિંહજી દરબારશ્રીએ તેમને જણાવ્યું કે ધાર્મિક ભણવાને બદલે અંગ્રેજી ભણ્યો હોત તો, સારા બેરીસ્ટર તરીકેની ખ્યાતિ મળત''. ત્યારે આ શુદ્ધ સમ્યક્ત્વી આત્માએ જવાબ આપેલ કે આપની ધારણા પ્રમાણે બધુ થાત પરંતુ સત્યની નજીક આવવાને બદલે સત્યથી દૂર જવાનું થાત. તેમના આત્મામાં પરમાત્મભાવનું તત્ત્વ (અધ્યાત્મ) એટલું ઊંડુ ઉતર્યું હતું કે પાછલી જેફ અવસ્થામાં, શરીરની બિમાર હાલતમાં પણ રાત્રે બેસી શકાય નહીં તેવી ઊભા ઊભા સવારે છ વાગ્યા સુધી લખ્યા કરે. જૈન શાસનના તમામ પ્રતિકો તરફનું તેમનું બહુમાન આશ્ચર્ય ઉપજાવે તેવું હતું. એક એક પ્રતિકનો કેવો તલસ્પર્શી અભ્યાસ ? તે સિવાય આટલું બહુમાન શી રીતે પ્રગટે? નાનામાં નાનુ સાધુ મહાત્મા તરફનો તેમને પૂજ્યભાવ એ તો જાણીતી વાત છે. તેમની પાસે અધ્યયન કરી રહેલા સાધુ મહાત્માની સામે પણ તેઓ કદી આસન પર ગુરુ અધિકારથી બેઠા નથી. જમીન પર જ બેસવાનું. પૂજ્ય સાધ્વીજી સંસ્થા પ્રત્યેનો ગુરુ-બહુમાન ભાવ પ્રશંસાપાત્ર હતો. સન્માર્ગમાં અને શુદ્ધ તત્વોમાં શ્રદ્ધા અનુપમ-અકાટ્ય હતી. પોતે શાસ્ત્રાભ્યાસી અને વિદ્વાન હોવા છતાં પર્યુષણાદિમાં કોઈ વખત સાધારણ ટબો વાંચનાર સાધુ ભગવંત હોય તો પણ તેમનું વ્યાખ્યાન શ્રદ્ધાપૂર્વક સાંભળતા અને ઉચ્ચારતા કે વ્યાખ્યાનના શબ્દની કિંમત નથી પણ પરમત્યાગીના મુખે ઉચ્ચારેલ શબ્દની કિંમત છે. ટૂંકમાં પરમમૂર્તિવંત શ્રાવકને છાજે તેવા શ્રદ્ધાશીલ શ્રાવક હતા. વળી તેઓ અડગ સિદ્ધાંતવાદી પણ હતાં. ‘ફૂલછાબે' શત્રુંજય આરોહણ સ્પર્ધા યોજી હતી. આનાથી શત્રુંજયની
શ્રુતજ્ઞાનનાં અજવાળા
૧૩૪