________________
ભવ્યજીવીનું આત્મકલ્યાણ અને આત્મસુખમાં વૃદ્ધિ કરે છે સ્વાતિ નક્ષત્રનું વર્ષનું બિંદુ કાલુ માછલીના મુખમાં પડવાથી તે મોતી બને છે, તેમ સત્પષની વાણી જીવના અંતરઆત્માને સ્પર્શવાથી સમકિતરત્નની પ્રાપ્તિ કરાવે છે. દરેક ધર્મ, પરંપરાને સંપ્રદાયના લૌકિક અને લોકોતર પર્વો ચાર્તુમાસમાં આવે છે.
મંદિરો, તીર્થસ્થાનો, દેરાસરો અને ઉપાશ્રયમાં સંત-સતીઓ બિરાજમાન હોય એટલે વર્ષાવાસમાં સંતસમાગમની તક વધુ મળે. વર્ષાઋતુ, ધર્મ, અધ્યાત્મ-ચિંતન અને વ્રતની મોસમ છે. ખેડૂતો આ ઋતુમાં પોતાના ખેતર પર વધુમાં વધુ ધ્યાન આપી ખૂબજ ધાન્ય ઉગાડવાનો પ્રયત્ન કરે છે. તેમ સાધક આત્માઓ આ મોસમમાં સંતોની નિશ્રામાં વધુમાં વધુ આત્મસમીપે પહોંચવાનો પુરુષાર્થ કરે છે.
ગીતાર્થ ગુરુભગવંતો આ કાળમાં નિત્ય કોઈ પણ વ્રતમાં રહેવાનો ઉપદેશ આપે છે. એટલે ચાતુર્માસને વિરતિનું નંદનવન કહીશું. આપણાં મન-વચન અને કાયાના સતત પરિભ્રમણને વિશ્રાંત કરવાનો આ ઋતુ-કાળ છે. ઉપકારી સંતોની નિશ્રામાં વિરતિના નંદનવનમાં વિહાર કરીએ.
– અમૃત ધારા
અમૃત ધારા
૭૫
