________________
दृष्टांत : ४७-४८
गुण कांई है ?
जद ते बोल्यौ-आ तो मोनै कोई आवै नहीं, पानां मैं मंडी है।
स्वामीजी कह्यौ-पानी फाट गयौ तथा गम गयौ ह तो कांई करसौ ?
जद ते बोल्यौ-म्हारा गुरां थांन चरचा पूछी, जिणरौ थांने जाब न आयो। __जद स्वामीजी कह्यौ-थांरा गुरां चरचा पूछी तिका ही ज चरचा थे मोने पूछौ । उणांनै जाब दीयौ है तो थाने इ द्यांला ।
जद कचरौजी बोल्यौ-थे तो म्हारै लेखा रा दादा गुरु हो सो हूं थांसू कठा तूं जीतूं ?
जद स्वामीजी बोल्या-म्हारै तो इसा पोता चेला कोइ चाहीजै नहीं।
४७. किण न्याय ? उदैपुर मै स्वामीजी कनै एक भेषधारी आयो अनै बोल्यौ-मोनें चरचा पूछो।
जद स्वामीजी कह्यौ-थे ठिकाणे आयां ने कांइ चरचा पूछां ? जद बोल्यौ-कांयक तौ पूछौ। जद स्वामीजी कह्यौ-थे सन्नी के असन्नी ? ते बोल्यौ-हूं सन्नी। स्वामीजी पूछ्यौ-किण न्याय ? जद ते बोल्यौ-ना, मिच्छामि दुक्कडं, हूं असन्नी। स्वामीजी पूछ्यौ-असन्नी ते किण न्याय ?
जद ते बोल्यौ-नहीं, नहीं, मिच्छामि दुक्कडं, सन्नी असन्नी एक ही नहीं।
जद स्वामीजी बोल्या-ते किण न्याय ? __ जद ते रीस कर नै बोल्यौ-थे न्याय-न्याय करनै म्हारौ मत बिखेर्यो। जातौ थको छाती मैं मूंकी री देई चालतो रह्यो ।
४८. आसौजो ! जोवौ छौ के ?
मांहढा मांहै स्वामीजी रात्रि रा वखांण वांचतां आसौजी नींद घणी ले। . जद स्वामीजी कह्यौ-नींद आवै है ? जद आसौजी बोल्यौ-नहीं महाराज!
. । बार-बार पूछ्यौ-नींद यावं है ?
जद ते कहै-नहीं महाराज!
