Bhikkhu Drushtant

SR No.: 032435
Original Sutra Author: N/A
Author: Jayacharya, Madhukarmuni
Publisher: Jain Vishva harati
Publication Year: 1994
Total Pages: 354
Language: Hindi
Classification: Book_Devnagari
File Size: 21 MB

Page 46

दृष्टांत : ४३-४४
१७
रुघनाथजी नै खबर हुई जद जोधपुर सूं चाल्या आया । लोक बखाण सुणवा आया पण ताकीद रा विहार सूं रुघनाथजी ने ताव चढ़ गयौ । कनै ठोठ ari नै ल्याया ते बखाण दे जाणै नहीं । जद परखदा पाछी फिरी । बाजार मैकस्वामीजी रौ बखाण सुणवा लाग गया । पछै लोक कहै – आपस मै चरचा करौ ।
पर्छ ब्राह्मणां नै सिखाया म्हारे चेलो अवनीत होय गयौ सो ब्राह्मणां नै दीयां पाप है । पछै ब्राह्मण स्वामीजी कनै आय बैदी करवा लागा । जद रामचंद कटारियो बोल्यो -थांने दिया रुघनाथजी धर्म कहै तो पच्चीस मण गोहां री कोठी भरी है ते परही देऊँ | जद ब्राह्मण, रामचंद सारा रुघनाथजी कनै आया । रामचंदजी रुघनाथजी नै कयौ — थे धर्म कहौ तौ पच्चीस मण गहूं ब्राह्मणां गांठ बंधाय देऊ । कहौ तौ गृधरी रंधाय देऊं । कहौ तौ आट पीसाय देऊ । कहौ तौ रोट्यां नै दो मण चणा रे आटा रौ खाटो कराय नै ब्राह्मणां नै जीमावूं ॥ घणों धर्म हुवै सो बतावो ।
जद रुघनाथजी बोल्या - म्हे तो साध हां । म्हारै कठै कहणो है रे ? म्हारै तौ मून है ।
जद रामचंद बोल्यो - थांरे न कहणौ तौ उवे किस तरै सूं कहिसी ? थां विचै तो उवे संकड़ा चालै । मोटा होयनै कांइ लोकां न लगावी हो । चरचा करणी तौ न्याय री चरचा करौ । यूं कहीनै पाछौ आयो ।
स्वामीजी रे मासखमण होयवा री त्यारी हुई | जद भारीमालजी स्वामी नै रुघनाथजी कनै मेल्या-थांरा श्रावक चरचा रौ कहै है सो चरचा करणी हुवै तौ करौ ।
जद रुघनाथजी बोल्या - किणरै चरचा करणी है ? पछै घणों उपगार कर घणां नै समझाय स्वामीजी विहार कीधौ ।
४३. मेरण्यां रो मोह
कंटाळया मै एक भाई दिख्या लेवा त्यार थयौ । पिण बोल्यो - म्हारं मातारी मोहणीक है सो माता जीवै जिते तो दिख्या आवती दीसै नहीं । कितरायक दिनां पछै माता आऊखी पूरी कियौ । पछ फेर स्वामीजी उपदेश दीयो | जद बोल्यो - स्वामीजी ! मगरै व्यापार करूं हूं सो मेरण्यां री मोहणी लागी ?
जद स्वामीजी बोल्या - माता तो एक हुंती ते मर गई पिण मेरण्यां तो घणीं । सो कद मरै न कद थनै दिख्या आवे ?
४४. घणौ धर्म कि नै ? (१)
दान ऊपर भीखणजी स्वामी दृष्टंत दीधो । पांच जणां सीर में चणां रौ