________________
३४. कुंदन सुख चंपक सोहन सुविशेखी रे । च्यारां री सुगुरु सेवा उल्लेखी रे ।। ३५. लग तीन सियाळां सारा कामां री रे।
शुभ बगसीस आ गुरु बोली प्यारी रे।। ३६. बाकी भेळां रा मुनि साताकारी रे।
बगसूं आज ही नव-नव मैं बारी रे।। ३७. अति सेवा साझी झमकूजी भारी रे।
काम रु बोझ री अंकित रिझवारी रे।। ३८. श्रमण्यां भेळां री दो-दो सीयाळां रे ।
सारा काम री बगसीस विशालां रे ।। ३६. निज बूथा सारू सहज्यां श्रम करियो रे ।
यूं भाखै अहो ! गुरुवर गुणदरियो रे ।। ४०. इक इक नै स्वामी जह-जोग संभार्या रे ।
त्यूं अति हेज स्यूं रूं-रूं सहु ठाय रे ।। ४१. सिर मालिक होवै श्री कालू जेहड़ो रे ।
निज शरणागतां नै कभी न छेहड़ो रे ।। ४२. इकसार दो घड़ी ऊंची आवाजे रे ।
गाजै मेघ ज्यूं सीखड़ली साझे रे ।। ४३. डॉक्टर कविराजा विस्मित-सा रहग्या रे 1
भावावेश में सगळा ही बहग्या रे ।। ४४. डगमगती नाड़ी अति विकट अवस्था रे ।
तिण में पिण करै गुरु विशद व्यवस्था रे ।। ४५. इसड़ी हालत में कुण क्यूं कर बोलै रे ।
कोई नीठ स्यूं निज आंख्यां खोलै रे ।। ४६. श्री वीर प्रभू दी सोलह प्रहरां री रे।
अंतिम देशना त्यूं आज निहारी रे ।। ४७. जन-साधारण स्यूं आ शक्ति निराली रे। इण नै आंकसी जो पौरुषशाली रे ।। ४८. छट्ठे उल्लासे ग्यारहवीं गीती रे । श्री गुरुदेव री है निरुपम नीती रे ।।
उ.६, ढा. ११ / २११
