________________
२१. विद्याध्ययन सुगुरु-आज्ञा-सुख-शय्या शयन सदेव जी। ___अपणी धुन में मस्त रहै आ, छोगां-सुत री. टेव जी।। २२. मूल कार्य अनुकूल तजी, प्रतिकूल भजै क्यूं भूल जी।
जिण गामे नहिं जाणो, तिणरो पंथ-प्रश्न निर्मूल जी।। २३. गमनागमन शयन आसन में, एक सर्वदा ध्यान जी।
किंचित मात्र विमात्र न पहुंचे, गतिविधि सद्गुरु-कान जी।। २४. पग-पग पर गुरु रो भय राखे, ताकै नहीं कुनीत जी।
महर नजर अभिलाखै आ ही, सुविनीतां री रीत जी।। २५. बहुविध भक्ति बले गुरु रो मन, जाळवियो इण भांत जी। ____ डालिम गणि रो दिल केवटणो, मुश्किल बात नितान्त जी।। २६. आ अनुपम गुरुचरण-लीनता, भक्तिभाव रमणीय जी।
निर्मलता आचार-कुशलता, सबनै अनुकरणीय जी।। २७. विक्रम उगणीसे चउसळे, पो. बिद दसमी देख जी। ____ डालिम आया शहर लाडनूं, जगी भाग री रेख जी।। २८. लोक विलोकै ठा विलोचन, हया-भ हद हेज जी।
दर्शन करया कि संचित पातक झरया न लागै जेज जी।। २६. सुणत-सुणत व्याख्यान, कान तो नहिं लेवै उद्गार जी।
नयन निहार न हारै, मस्तक पद-परसण तैयार जी।। ३०. अहोभाग्य है इण नगरी रा, जग्यो धर्म रो प्रेम जी। ___आर्यप्रवर आचार्यदेव, अधिराजै कुशले-खेम जी।। ३१. मध्याह्ने व्याख्याने स्थाने, छाजै श्री छौगेय' जी।
छाने-छाने हृदय-खजाने, ज्ञान भरै अनमेय जी।। ३२. शासनपाल डाल गणिवर अब, करसी गण-सिर-ढाल जी।
श्री श्री काल्यशोविलासे, विरमी नवमी ढाळ जी।।
ढाळः १०.
दोहा १. श्री डालिम री देह में, उपनो रोग-विकार।
अन्न-अरुचि कफ है बढ्यो, शोथ श्वास में भार।।
८६ / कालूयशोविलास-१
