________________
२१. कालू ! कालूजी ! किस्या? जननी छोगां रा जात, सुजाण !
सुण अवाक -सा गुरु रह्या, आ अलख अलौकिक बात, सुजाण ! २२. आकस्मिक ही झड़ पड़यो, डालिम मुख हृदय-निचोड़, सुजाण !
और दौर तो की घणी, पण नहिं पहुंची इण ठोड़, सुजाण ! २३. गोष्ठि विसर्जी यूं कही, श्री डालिम सुमति-सुमेर, सुजाण ! अणसमझू समझै नहीं, ओ समझ समझ को फेर, सुजाण ! 'सुजन जन ! सांभळो रे, इकचित कालूयशोविलास । २४. पहिलां दृग पहुंची नहीं रे, सुजना ! सा पहुंची इण बार। शासनेश-संकेत स्यूं रे, सुजना ! सहज हुयो इतवार ।। २५. कालू नै तिण दिवस स्यूं रे, सुजना ! युवपद झालू जाण । डालू दिल निश्चितता रे, सुजना ! ओ म्हांरो अनुमान ।।
दोहा
२६. पूछै डालिम एकदा, कालू नै एकान्त । अंतराल में संघ की गतिविधि रो वृत्तान्त || २७. अणपूछ्यां तो आज लग, कभी न खोली मून ।
आज कही संक्षेप में, स्थिति अनधिक अन्यून' ।। २८. सारी कठिनायां सही, अंतरंग बहिरंग ।
सफल हुआ गुरु-करुणया, जीत बड़ो-सो जंग ।। २६. सुणी बात विश्वस्तमन, श्री डालिम गुरुदेव ।
कालू री निरपेक्षता रो अंकन स्वयमेव । ।
सुजन जन ! सांभळो रे, इकचित कालूयशोविलास ।
३०. पावस प्रथम पिच्यावनै रे, सुजना ! शहर लाडनूं ख्यात । कालू गुरु चरणां बसै रे, सुजना ! कानकुंवर बलि मात ।। ३१. कानकंवरजी रो कियो रे, सुजना ! सिंघाड़ो गणनाथ । चौमासो उतऱ्यां पछै रे, सुजना ! छोगांजी पिण साथ ।। ३२. करी शहर- सरदार पर रे, सुजना ! छपनै महर महान । श्री कालू प्रारंभियो रे, सुजना ! मध्याह्ने व्याख्यान ।।
१. लय : मुनि मन चलियो रे तूं घेर २. पूरा विवरण पढ़ें डालिम-चरित्र, पृ. ८६, ८७
३. लय : मुनि मन चलियो रे तूं घेर
उ. १, ढा. ८ / ८३
