________________
२४. जण - जण मुख जय-जय करै रे, अधिक जग्यो उत्साह । उचरंगे मुख स्यूं कहै रे, वाह! भिक्षूगण वाह ! वाह ! भिक्षूगण री पुनवानी, जाहिर तीन जहान न छानी, मुनिवर मिल गुरु ढूंढ्यो ज्ञानी, सप्तम ढाळ सुजन मन मानी, श्रोता ! निसुणो सरस कहानी ।।
ढाळः ८.
दोहा
१. कच्छ देश स्यूं आवता, श्री मुनि डालिमचन्द । मारग में सारो सुण्यो, सूरीपद-संबंध ।। २. बाट बहंता थाट स्यूं, साथ श्रमण संघात ।
शहर लाडणूं आविया, तेरापथ रा तात ।। ३. छाई पोष त्रयोदशी, छटा घटा ज्यूं घोर ।
वदन-वचन-घन बरसतां, हर्षित भवि - मनमोर ।। ४. माघ मास बिद दूज दिन, पट्टोत्सव सुविशेख ।
युग तीरथ उल्लास रो, कठिन पड़ै उल्लेख । । ५. श्रमण बहोत्तर, एक सौ चोराणू चित-शान्तश्रमणी श्री गुरुदेव रो शासन बहै नितान्त । ।
'सुजन जन ! सांभळो रे, इकचित कालूयशोविलास ।
६. सप्तम आसण-अधिपती रे, सुजना ! डालिम शासनमोड़ । उणिहारो अति ओपतो रे, सुजना ! जुड़ै न दूजो जोड़ ।। ७. आतप अद्भुत आपरो रे, सुजना ! बलि-बलि करी विमर्श ।
निकट गयां पिण दोहिलो रे, सुजना ! पद-पंकज रो स्पर्श ।। ८. अलख छटा व्याख्यान री रे, सुजना ! ओरां री के बात ?
विबुध विचक्षण क्षण सुणै रे, सुजना ! उठणो रहे न हाथ ।। ६. पुरुष - परीक्षा कारणै रे, सुजना ! प्रतिभा री जग साख । तुलना में आवै नहीं रे, सुजना ! मिलै परीक्षक लाख ।।
१. लय : मुनि मन चलियो रे तूं घेर
उ. १, ढा. ८ / ८१
