________________
१५. साहस साहस री ठोड़े, तब ही तो तत्त्व निचोड़े ।
कालू- दृढ़ता उल्लेखी, नहिं चेहरे सिकुड़न देखी ।। १६. कार्तिक में व्रण उपशान्ती, लहि संघचतुष्टय शान्ती ।
मिगसर मासे सुविचारी, बीदासर मन्द - विहारी । । १७. अब सुजानगढ़ सामेळो, है माघ - महोत्सव - मेळो ।
मोच्छब में मोच्छब भारी, संयम साध्यो नर-नारी । । १८. बीदासर फाल्गुन मासी, माता मन मोद न मासी । नव कोस राज राजाणै, वसुगढ़ आया शुभ टाणै । ।
'सुगुरु म्हांरो मन मोह्यो,
मन मोह्यो मृदुता भर्यो रे, मृदुता भर्यो । मंजुल मुखड़े रो घाट रे, सुगुरु म्हांरो मन मोह्यो, पळकत ललित ललाट रे, सुगुरु म्हांरो मन मोह्यो । जस-झल्लरी-झणणाट रे, सुगुरु म्हांरो मन मोह्यो । ।
१६. गुरु-वन्दन
उत्सुकमना रे, उत्सुकमना, हरिनन्दन भूदेव रे, सुगुरु म्हांरो मन मोह्यो । नाम ठाम वासस्थली रे, वासस्थली, पूछै पूज्य स्वमेव रे, सुगुरु म्हांरो मन मोह्यो ।। २०. बात चली व्याकरण री रे, पंडित सीनो ताण रे ।
आगे कीन्ही कौमुदी रे, सब शास्त्रां री शाण रे । । २१. भट्टोजी दीक्षित रची रे, है शिक्षित साह्लाद रे ।
अखिल शब्दगण-साधिका रे, विबुध-मान्य अविबाद रे ।। २२. सागर जल कुंभोद्भवी' रे, तीन चळू में चोष रे ।
· त्यूं ‘त्रिमुनि व्याकरण' ३ में रे, शब्दसिन्धु रो शोष रे ।।
गुरुदेव
२३. जदपि विबुध ! व्याकरण रो रे, शब्द-सिद्धि ही साध्य रे । तो पिण शोषित-सिन्धु में रे, बचै बिन्दु अविबाध्य रे ।।
१. लय : कुंवर! थांस्यूं मन लाग्यो
२. अगस्त्य ऋषि
३. पाणिनि कृत अष्टाध्यायी, कात्यायन कृत वार्तिक और पतंजलि कृत भाष्य, यह त्रिमुनि व्याकरण' कहलाता है ।
१४६ / कालूयशोविलास - १
