________________
१२. समय अल्प पिण हित अनल्प लखि, निज संकल्प सुणावै ।
सुकृततल्प जिनकल्प पूज्य रा, दरसण सुकृती पावै रे ।। १३. पायो जब आभास विरोधी, वृथाऽऽयास प्रारम्भ्यो । साहिब पास पाश फैलावै, ज्यूं नहिं जाय विलम्ब्यो रे ।।
कोबी साहिब ! क्यूंकर तुम जास्यो निर्जल देश में ।
१४. सुणी मरुस्थल थल री यात्रा करणी मन में ठाणी । अति आतप अंधड़ असभ्य जन, निर्जल मुल्क निशाणी रे ।। १५. सरदी-मौसम लक्कड़दाहो, घाम तपै ज्यूं भट्टी ।
बरसाले बिरखा रा सांसा, उड़ै मौसमी मट्टी रे ।। १६. मिलै न खाद्य पदार्थ-सार्थ, जिण देशे साहिब ! स्वादू |
बाजर - रोट सोट-सम नहिं कोइ फल रस रो आस्वादू रे ।। १७. दाड़िम दाख अनार मौसमी, आलू आम जमेरी ।
नींबू बिस्कुट डबलरोट नहिं मिलै दूध री डेरी रे ।। १८. तेरापंथ-पंथ जिण देशे, दान-दया जड़ कापै ।
चूहे-बिल्ली रै प्रपंच में, पाप-मान्यता थापै रे ।। १६. प्रतिमा रा अप्रतिम विरोधी, नोंधी श्रद्धा न्यारी ।
अविरोधी जिण - वयण - रयण सम भूल्या उतपथचारी रे।। २०. नहिं विभीषिका स्यूं घबरायो, बोल्यो सिक्त सुधा स्यूं ।
कुछ भी हो संकल्प कियो, तब एक बार तो जास्यूं रे ।। २१. सचमुच प्रतिवच साहिब रो सुण, सारा हुया निराश |
बारह महिनां कात्यो-पीन्यो, मानो हुयो कपास रे' ।। २२. शहर लाडणूं शुभ बसंत में, सद्गुरु दर्शन पायो ।
संघ-हितेच्छू श्रावक इणमें, उचित प्रयास उठायो रे ।। २३. प्रमुदितमना प्रथम दर्शन में, सोचै खड्यो समक्ष ।
मरुभूमी में फलै कल्पतरु, देख्यो मैं प्रत्यक्ष रे ।। २४. शांत स्वभाव ओज आकृति में, भाल विभामय दीप्त । सहज साधुता शब्द-शब्द में, झलकै अजब अलिप्त रे । !
१. देखें प. १ सं. ४७
उ. २, ढा. १ / ११७
