Page Text
________________
टिप्पण (Notes & References)
281 तए णं अहं तं पुरिसं जीवंतं चेव अओकुंभीए पक्खिवावेमि, अओमएणं पिहाणएणं पिहावेमि, अएण य तउएण य कायावेमि, आयपच्चइएहिं पुरिसेहिं रक्खावेमि। तए णं अहं अण्णया कयाइं जेणामेव सा अओकुंभी तेणामेव उवागच्छामि, उवागच्छित्ता तं अओकुंभि उग्गलच्छावेमि, उग्गलच्छावित्ता तं पुरिसं सयमेव पासामि, णो चेव णं तीसे अओकुंभीए केइ छिड्डे इ वा विवरे इ वा अंतरे इ वा राई वा, जओ णं से जीवे अंतोहितो बहिया णिग्गए। जइ णं भंते! तीसे अओकुंभीए होज्ज केइ छिड्डे इ वा विवरे इ वा अंतरे इ वा राई वा जओ णं से जीवे अंतोहिंतो बहिया णिग्गए, तो णं अहं सद्दहेज्जा पत्तिएज्जा रोएज्जा जहा-अण्णो जीवो अण्णं सरीरं, नो तज्जीवो तं सरीरं। जम्हा णं भंते! तीसे अओकभीए णत्थि केइ छिड्डे इ वा ...निग्गए, तम्हा सुपतिट्ठिया मे पइण्णा जहा-तज्जीवो तं सरीरं, नो अण्णो जीवो अण्णं सरीरं।।754 तए णं केसी कुमार-समणे पएसिं रायं एवं वयासी-पएसी! से जहा णामए कूडागारसाला सिया-दुहओ लित्ता गुत्ता गुत्तदुवारा णिवाया णिवायगंभीरा। अह णं केइ पुरिसे भेरिं च दंडं च गहाय कूडागारसालाए अंतो-अंतो अणुप्पविसति, अणुप्पविसित्ता तीसे कूडागारसालाए सव्वतो समंता घण-निचिय-निरंतर-णिच्छिड्डाई दुवारवयणाई पिहेइ। तीसे कूडागारसालाए बहुमज्झदेसभाए ठिच्चा तं भेरि दंडएणं महया-महया सद्देणं तालेज्जा। से णूणं पएसी! से सद्दे णं अंतोहितो बहिया णिग्गच्छइ? हंता णिग्गच्छइ। अत्थि णं पएसी! तीसे कूडागारसालाए केइ छिड्डे इ वा विवरे इ वा अंतरे इ वा राई वा, जओ णं से सद्दे अंतोहितो बहिया णिग्गए? नो 'तिणठे समठे' । एवामेव पएसी! जीवे वि अप्पडिहयगई पुढविं भिच्चा, सिलं भिच्चा, पव्वयं भिच्चा अंतोहिंतो बहिया णिग्गच्छइ, तं सद्दहाहिं णं तुमं पएसी! अण्णो जीवो अण्णं सरीरं, नो तज्जीवो तं सरीरं ।।755 तए णं पएसी राया केसिं कुमार-समणं एवं वयासी-अत्थि णं भंते! एस पण्णओ उवमा, इमेणं पुण कारणेणं नो उवागच्छइ-एवं खलु भंते! अहं अण्णया कयाइ बाहिरियाए उवट्ठाणसालाए अणेग ... विहरामि। तए णं ममं णगरगुत्तिया ... चोरं उवणेति। तए णं अहं तं पुरिसं जीवियाओ ववरोवेमि, ववरोवेत्ता अओकुंभीए पक्खिवावेमि, अओमएणं पिहाणएणं पिहावेमि, अएण य तउएण य कायावेमि, आय पच्चइएहिं पुरिसेहिं रक्खावेमि। तए णं अहं अण्णया कयाइं जेणेव सा कुंभी तेणेव उवागच्छामि, उवागच्छित्ता तं अओकुंभिं उग्गलच्छावेमि, तं अओकुभिं किमिकुंभिं पिव पासामि। णो चेव णं तीसे अओकुंभीए केइ छिड्डे इ वा ... राई वा जतो णं ते जीवा बहियाहिंतो अणुपविठ्ठा, जति णं तीसे अओकुंभीए होज्ज केइ छिड्डे इ वा ... अणुपविट्ठा, तो णं अहं सद्दहेज्जा ... जहा-अण्णो जीवो अण्णं सरीरं, नो तज्जीवो तं सरीरं । जम्हा णं तीसे
| SR No. | 032428 |
| Book Title | Jain Agam Granthome Panchmatvad |
| Original Sutra Author | N/A |
| Author | Vandana Mehta |
| Publisher | Jain Vishva Bharati |
| Publication Year | 2012 |
| Total Pages | 416 |
| Language | Hindi |
| Classification | Book_Devnagari |
| File Size | 24 MB |