________________
भिक्षु वाङ्मय खण्ड- १
४५. नारकी रों आउखों पाप री प्रकृत, केइ तिर्यंच रों आउखों पिण पाप । असनी मिनख नें केई सनी मिनख रो, पाप री प्रकत दीसें छें विलाप । ।
८२
४६. ज्यारों आउखों पाप कह्यों छें जिणेसर, त्यांरी गति आणुपूर्वी पिण दीसें छें पाप । गति आणुपूर्वी दीसें आउखा लारें, इणरों निश्चों तों जांणें जिणेसर आप । ।
४७. च्यार संघेयण में हाड पाडूआ छें, ते उसभ नांम कर्म उदे सूं जांणों । च्यार संठाण में आकार भुंडों ते, उसभ नांम कर्म सुं मिलीया छें आंणो ।।
४८. वर्ण गंध रस फरस माठा मिलीया, ते अण गमता नें अतंत अजोग । ते पिण उसभ नाम कर्म उदा सूं, एहवा पुदगल दुखकारी मिलें छें संजोग ।।
४९. सरीर उपंग बंधण नें संघातण, त्यांमें केकारे माठा माठा छें अतंत अजोग । ते पिण उसभ नांम कर्म उदें सूं, अणगमता पुदगल में मिलें छें संजोग ।।
५०. थावर नाम उदें छें थावर रो दस को, तिण दसका रा दस बोल पिछांणो । नांम करम उदे छें जीव रा नांम, एहवाइज नांम कर्मों रा जांणों । ।
५१. थावर नाम करम उदें जीव थावर हूओ, तिण सूं आघों पाछों सरकणी नावें । सूखम नांम उदें जीव हूओ छें, सूखम सरीर सगलां नांन्हों पावें ।।
1
५२. साधारण नाम सूं जीव साधारण हूवों, एकण सरीर में अनंता रहें तांम अप्रज्यापता नांम सूं अप्रज्याप्तो मरे छें, तिण सूं अप्रज्यापतो छें जीव रो नांम ॥ ।
