________________
भिक्षु वाङ्मय खण्ड-१ ३८. अन पुने पांण पुने कह्यों रे लाल, लेण सेण वस्त्र पुन जाण हो।
मन पुने वचन काया पुने रे लाल, नमसकार पुने नवमों पिछांण हो।।
३९. पुन्य बंधे ए नव प्रकार सूं रे लाल, ते नवोई निरवद जांण हो।
ते नवोंई बोलां में जिण आगना रे लाल, तिणरी करजों पिछांण हो।।
४०. कोई कहें नवोंई बोल समचें कह्या रे लाल, सावद्य निरवद ने कह्यां ताम हो।
सचित्त अचित्त पिण नही कह्या रे लाल, पातर कुपातर रो नहीं नाम हो।।
४१. तिणसूं सचित अचित दोनूं कह्या रे लाल, पातर कुपातर में दीयां तांम हो।
पुन नीपजें दीधां सकल ने रे लाल, ते झूठ बोले सुतर रो ले ले नाम हो।।
४२. साध श्रावक पातर में दीयां रे लाल, तीथंकर नामादिक पुन थाय हो। ___ अनेरा ने दांन दीधां थकां रे लाल, अनेरी पुन प्रकत बंधाय हो।।
४३. इम कहें नाम लेई ठांणा अंग नो रे लाल, नवमा ठाणा में अर्थ दिखाय हो।
ते अर्थ अणहंतों घालीयो रे लाल, ते भोलां ने खबर न काय हो।।
४४. जो अनेरा में दीयां पुन नीपजें रे लाल, जब टलीयों नही जीव एक हो।
कुपातर में दीयां पुन किहां थकी रे लाल, समझो आंण ववेक हो।।
४५. पुन रा नव बोल तों समचे कह्या रे लाल, उण ठांमें तो नही छ नीकाल हो।
ज्यूंवंदणा वीयावच पिण समचे कही रे लाल, ते गुणवंत सूं लेजों संभाल हो।।
४६. वंदणा कीधां खपावें नीच गोत ने रे लाल, उंच गोत कर्म बंधाय हो। ।
तीथंकर गोत बंधे वीयावच कीयां रे लाल, ते पिण समचे कह्या छ ताहि हो।।
