________________
६२
भिक्षु वाङ्मय खण्ड-१
२८. ए च्यारूं बोल वांका वरतीयां रे लाल, बंधे उसभ नाम कर्म हो । ते सावद्य करणी छें पाप री रे लाल, तिणमें नही निरजरा धर्म हो । ।
२९. जात कुल बल रूप नो रे लाल, तप लाभ सुतर ठाकुराय हो । ए आठोई मद करे नही रे लाल, तिणसूं उंच गोत बंधाय हो । ।
३०. ए आठोई मद करे तेहनें रे लाल, बंधे नीच गोत कर्म हो । ते सावद्य करणी पाप री रे लाल, तिणमें नहीं पुन धर्म हो ।
३१. ग्यांनावर्णी नें दरसणावर्णी रे लाल, वले मोहणी नें अंतराय हो । ये च्यारूंइ एकंत पाप कर्म छें रे लाल, त्यांरी करणी नही आग्या माहि हो ।
३२. वेदनी आउखो नांम गोत छें रे लाल, ए च्यारूंई कर्म पुन पाप हो । तिणमें पुन री करणी निरवद कही रे लाल, तिणरी आग्या दें जिन आप हो।।
३३. ए भगोती सतक आठमें रे लाल, नवमां उदेसा माहि हो । पुन पाप तणी करणी तणों रे लाल, ते जांणें समदिष्टी न्याय हो । ।
३४. करणी करे नीहांणों नही करे रे लाल, चोखा परिणामां समकतवंत हो। समाध जोग वरतें तेहनों रे लाल, खिमा करी परीसह खमंत हो। ।
३५. पांचूं इंद्री नें वस कीयां रे लाल, वले माया कपट रहीत हो । अपासत्थपणों ग्यांनादिक तणो रे लाल, समणपणें छें सहीत हो । ।
३६. हितकारी प्रवचन आठां तणो रे लाल, धर्म कथा कहें विसतार हो । यां दसां बोलां बंधे जीवरे रे लाल, किल्यांणकारी कर्म श्रीकार हो । ।
३७. ते किल्यांणकारी कर्म पुन छें रे लाल, त्यांरी करणी पिण निरवद जांण हो । ते ठाणा अंग दसमें ठाणें कह्यों रे लाल, तिहां जोय करो पिछांण हो । ।
