________________
ढाल:४
(लय श्रावक श्री विरधमांन रे लाल......)
पुन नीपजें सूभ जोग सूं रे लाल।। १. पुन नीपजें सुभ जोग सूं रे लाल, सुभ जोग जिण आगना माहि हो । भवकजण
ते करणी छे निरजरा तणी रे लाल, पुन सहिजा लागें , आय हो।।भवकजण॥
२. जे करणी करें निरजरा तणी रे लाल, तिणरी आगना देवं जगनाथ हो।
तिण करणी करतां पुन नीपजे रे लाल, ज्यूं खाखलो गोहां रे हुवें साथ हो।।
३. पुन नीपजें तिहां निरजरा हुवें रे लाल, ते करणी निरवद जांण हो।
सावध करणी में पुन नही नीपजें रे लाल, ते सुणजो चतुर सुजाण हो।।
४. हिंसा कीयां झूठ बोलीयां रे लाल, साधु नें देवें असुध आहार हो।
तिणसूं अल्प आउखो बंधे तेहने रे लाल, ते आउखो पाप मझार हो।।
५. लांबो आउखों बंधे तीन बोल सू रे लाल, लांबो आउखो छ पुन माहि हो।
ते हिंसा न करें प्रांणी जीवरी रे लाल, वले बोलें नही मूसावाय हो।।
६. तथारूप श्रमण निग्रंथ ने रे लाल, देवे फासू निरदोष च्यांरू आहार हो।
यां तीनां बोलां पुन नीपजें रे लाल, ठाणा अंग तीजा ठाणा मझार हो।।
७. हिंसा कीयां झूठ बोलीयां रे लाल, साधू ने हेलें निंदें ताहि हो।
आहार अमनोग नें अपीयकारी दीये रे लाल, तो उसभ लांबो आउखो बंधाय हो।।
