________________
भिक्षु वाङ्मय खण्ड-१
४९. सर्प डंक लागां जहर परगम्यां मीठा लागे नीब पांन हो लाल । ज्यूं पुन उदें हूवां जीव नें, मीठा लागें भोग परधांन हो लाल ।।
५०
५०.
रोगीला सुख छें पुदगल तणा, तिणमें कला म जांणो लिगार हो लाल । ते पण काचा सुख असासता, विणसंता नही लागें वार हो लाल ।।
५१. आतमीक सुख छें सासता, त्यां सुखां रो नही कोई पार हो लाल । ते सुख सदा काल सासता, ते सुख रहें एक धार हो लाल ।।
५२. पुन तणी वंछा कीयां, लागें छें एकंत पाप हो लाल । तिणसु दुख पांमें संसार में, वधतों जाओ सोग संताप हो लाल ।।
५३. जिणसु पुन तणी वंछा करी, तिण वांछीया कांम नें भोग हो लाल । त्यांनें दुःख होसी नरक निगोद ना, वले वाला रा पड़सी विजोग हो लाल ।।
५४. पुन तणा सुख असासता, ते पिण करणी विण नहीं थाय हो लाल । निरवद करणी करे तेहनें, पुन तो सेंहजां लागे छें आय हो लाल ।।
५५. पुन री वंछा सु पुन न नीपजें, पुन तों सहजें लागें छें आय हो लाल । ते तो लागें छें निरवद जोग सूं, निरजरा री करणी सूं ताहि हो लाल ।।
५६. भली लेश्या नें भला परिणांम थी, निश्चेंइ निरजरा थाय हो लाल । जब पुन लागें छें जीव रें, सहजें सभावें ताहि हो लाल ।।
५७. जे करणी करें निरजरा तणी, पुन तणी मन में धार हो लाल । ते तों करणी खोएनें बापड़ा, गया जमारो हार हो लाल ।।
५८. पुन तों चोफरसी कर्म छें, तिणरी वंछा करें ते मूंढ हो लाल । त्यां कर्म नें धर्म न ओळखयों, करे करे मिथ्यात नीं रूढ हो लाल ।।
