________________
३०६
भिक्षु वाङ्मय खण्ड - १
१३. परमाद न सेव्यों कहें भगवांन नें रे, वले कहिता जारों पापी परमाद रे । न्याय निरणो विकला रें छें नही रे, यूंही करे कूडों विषवाद रे ॥
१४. मोह कर्म उदें सूं सावद्य सेवीयो रे, छदमस्थ थका श्री भगवांन रे । अजांणपणें नें विण उपीयोग छें रे, ते बुधवंत सुणो सुरत दे कांन रे ॥
१५. दस सुपना पिण भगवंत देखीया रे,
दस सुपनां रो पाप लागों छें आंण रे । तिणरी संका म करजों चतुर सुजांण रे ॥
ते पिण दसूं सुपनों रो पाप जू जूओ रे,
१६. कोइ कहें भगवंत तो घर छोड्या पछें रे,
पाप रो अंस न सेव्यों मूल रे ।
जो वे सुपना देख्यां में पाप परूपसी रे, तो त्यांरें लेखें त्यांरी सरधा में धूल रे ॥
१७. सात प्रकारे छदमस्थ जाणीये रे, कह्यो छें ठाणा अंग सूतर मांहि रे । हिस्या लागें छें प्रांणी जीव री रे, वले लागें मिरषा नें अदतज ताहि रे ॥
१८. शब्दादिक अस्वादें रागें करी रे, पूजा स्तकार वांछें छें मन माहि रे । क असणादिक पिण सावद्य भोगवे रे, वागरें जेंसों करणी नावें ताहि रे ॥
१९. ए सातोइ सावद्य रा थांनक कह्या रे, छदमस्थ सेवें छें किण ही वार रे । त्यां पण प्राछित जथाजोग छें रे, जांण अजांण सेव्या रो करे विचार रे ॥
२०. ए सातोइ बोल न सेवें केवली रे, छदमस्थ पिण निरंतर सेवें नांहि रे । सेवें तो मोह कर्म उदें हुआं रे, संका हुवें तो जोवों सूतर रे मांहि रे ॥
