________________
२५८
भिक्षु वाङ्मय खण्ड - १
४२. भगवंते मोटा मोटा राजवी, प्रतिबोध्या हो आंण्या मारग ठाय । साध श्रावक धर्म वतावीयों, न सीखायो हो पडहो फेरणो ताहि ।।
४३. तो श्रेणक सीख्यो किण आगलें, भगवंत हों पूछ्यां साझें मूंन । वले न जणावें आंमना, आज्ञा विण हो करणी जांणों जबूंन ॥
४४. वासुदेव चक्रवत मोटका, त्यांरी वरती हो तीन छ खंड में आंण । जो पडो फेरयां मुगत मिलें, तो कुण काढें हो आघो जिण धर्म जांण ॥
४५.
कोरांगण दीवादिक सिनांन नें, विसन साते हो विना मन दे छुडाय । विध ि धर्म नीपजें, तो छ खंड में हो वरजें आंण फेराय ॥
४६. फल फूल अनंत काय नें, हिंसादिक हो अठारें पाप नें जांण । जोडी दावें पेंला नें मनें कीयां, धर्म हुवें तो हो फेरें छ खंड में आंण ॥
४७. तीथंकर घर में थकां त्यांनें हुंता हो तीन ग्यांन विशेख | हाल हुकम थो लोक में, त्यां नही फेरयों हो पडहो सूतर देख ॥
४८. बलदेवादिक मोटा राजवी, घर छोडी हो कीया पाप पचखांण । श्रेणक जिम पडहो न फेरीयों, जोरी दावें हों नही वरताइ आंण ॥
४९. ब्रह्मदत चक्रवत तेहनें, चित मुनी हो प्रतिबोधण आय। साध श्रावक रो धर्म कह्यों, पडहा री हो न कही आंमना काय ॥
