________________
२७२
भिक्षु वाङ्मय-खण्ड-१० १३. जब देवता में भरत राजांन, सीख दीधी सतकार सनमान हो।
पछे घोडा ग्रह राख्या घेर, रथ में पाछों दीयों फेर हो।।
१४. जिहां थी रिषभकुट तिहां आयों, तीन वार तिणरे रथ अरायो हो।
पछे रथ में तिण ठांमें थाप, हाथे कांगणी रत्न लीयो आप हो।।
१५. रिषभकूट में पूर्व दिस ताम, लिखीयों भरत जी आपरों नाम हो।
इण अवशर्पणी काल में ताहि, तीजा आरा ना तीजा भाग माहि हो।।
१६. हूं चक्रवत हूवों छू आंम, भरत नरिंद म्हारों नाम हो।
हूं प्रथम चक्रवत पेंहलों राय, म्हें सर्व वेंरी जीता ताहि हो।।
१७. हूं भरत खेतर रों नरिंद, सगलां वस कर कीयों आणंद हो।
एहवों नाम लिखीने राय, रथ पाछों वाल्यों छे ताहि हो।।
१८. जिहां विजय कटक तिहां आय, भोजन मंडप भोजन कीयों ताहि हो।
ते आगे कह्यों तिम कीयों सारो, जांण लेंणों विस्तार हो।।
१९. चूल हेमवंत देवकुमार, तिणनें आंण मनाय एकधार हो।
तिणरा महोछव कराया दिन आठ, आगे कीया ज्यूं कीया गहघाट हो।।
२०. चूल हेमवंत देवकुमार, तिणरा भरत जी थया सिरदार हो।
तिणनें पिण राचे नही कोय, संजम लेने सिध होय हो।
