________________
ઉપર કહ્યાં મુજબ અલ્પબદુત્વ ન હોય. તેથી જ્યારે ૧૪ ગુણઠાણામાં જીવોની સંખ્યા ઉત્કૃષ્ટ હોય છે. ત્યારે ઉપર કહ્યાં મુજબ અલ્પબદુત્વ સમજવું.
૧૪ ગુણઠાણામાંથી સાસ્વાદન, મિશ્ર, અપૂર્વકરણ, અનિવૃત્તિકરણ, સૂક્ષ્મસંપરાય, ઉપશાંતમોહ, ક્ષીણમોહ અને અયોગગુણઠાણામાં જીવો કયારેક હોય છે. અને ક્યારેક નથી હોતા. કારણકે સાસ્વાદન અને મિશ્રગુણઠાણાનો વિરહકાળ ઉત્કૃષ્ટથી “પલ્યોપમનો અસંખ્યાતમો ભાગ” છે. એટલે વિવક્ષિતસમયે કોઈક જીવે સાસ્વાદન ગુણઠાણ પ્રાપ્ત કર્યા પછી વધુમાં વધુ પલ્યોપમના અસંખ્યાતમા ભાગ સુધી બીજો કોઈપણ જીવ સાસ્વાદન ગુણઠાણાને પ્રાપ્ત કરતો નથી. અને વિવક્ષિતસમયે જે જીવે સાસ્વાદનગુણઠાણ પ્રાપ્ત કર્યું છે, તે જીવ પણ છ આવલિકા પછી મિથ્યાત્વગુણઠાણે ચાલ્યો જાય છે. એટલે છ આવલિકાયૂન પલ્યોપમના અસંખ્યાતમાભાગ જેટલા કાળ સુધી કોઈપણ જીવને સાસ્વાદનગુણઠાણ હોતું નથી. અને વિવક્ષિત સમયે કોઈક જીવે મિશ્રગુણઠાણ પ્રાપ્ત કર્યા પછી વધુમાં વધુ પલ્યોપમના અસંખ્યાતમાં ભાગ સુધી બીજો કોઈ પણ જીવ મિશ્રગુણઠાણાને પ્રાપ્ત કરી શકતો નથી. અને વિવલિતસમયે જે જીવે મિશ્રગુણઠાણ પ્રાપ્ત કર્યું છે. તે જીવ પણ અંતર્મુહૂર્ત પછી મિથ્યાત્વે કે સમ્યકત્વે ચાલ્યો જાય છે. એટલે અંતર્મુહૂર્તન્યૂન પલ્યોપમના અસંખ્યાતમાભાગ જેટલા કાળ સુધી કોઈપણ જીવને મિશ્રગુણઠાણુ હોતું નથી.
એ જ રીતે, ઉપશમશ્રેણીમાં ૮ થી ૧૧ ગુણઠાણાનો વિરહકાળ વર્ષપૃથકત્વ છે. અને ક્ષપકશ્રેણીમાં ૮ થી ૧૨ અને ૧૪મા ગુણઠાણાનો વિરહકાળ ઉત્કૃષ્ટથી છ માસ છે. તેથી કયારેક વધુમાં વધુ અંતર્મુહૂર્તન્યૂન ૯ વર્ષ સુધી કોઈપણ જીવને ઉપશમશ્રેણીગત ૮થી૧૧ ગુણઠાણા હોતા
૯૨૮૮ છે
