________________
* તેનાથી અસંખ્યાતગુણા દેશવિરતિગુણઠાણે હોય છે. કારણકે અસંખ્યાતા તિર્યંચને દેશવિરતિ હોય છે.
* તેનાથી અસંખ્યાતગુણા સાસ્વાદનગુણઠાણે હોય છે. કારણકે ચારેગતિમાં રહેલા જીવો સાસ્વાદનગુણઠાણાને પ્રાપ્ત કરી શકે છે.
* તેનાથી અસંખ્યાતગુણા મિશ્રગુણઠાણે હોય છે. કારણકે સાસ્વાદનગુણઠાણા કરતાં મિશ્રગુણઠાણાનો કાળ ઘણો છે.
* તેનાથી અસંખ્યાતગુણા સમ્યક્ત્વગુણઠાણે હોય છે. કારણકે મિશ્રગુણઠાણા કરતા સમ્યક્ત્વગુણઠાણાનો કાળ ઘણો છે.
* તેનાથી અનંતગુણા અયોગીગુણઠાણે હોય છે. કારણકે ભવસ્થ અયોગીકેવલીભગવંતો જઘન્યથી ૨૦૦ અને ઉત્કૃષ્ટથી ૯૦૦ હોય છે. પણ અભવસ્થ અયોગીકેવલી સિદ્ધભગવંતો અનંતા છે. એટલે સમ્યગ્દષ્ટિજીવોથી અનંતગુણા અયોગીકેવલીભગવંતો કહ્યાં છે.
-
* તેનાથી અનંતગુણા મિથ્યાત્વગુણઠાણે હોય છે. કારણકે સિદ્ધભગવંતોથી અનંતગુણા નિગોદીયાજીવો છે. અને તે સર્વે મિથ્યાદૃષ્ટિ છે.
આ અલ્પબહુત્વ જ્યારે ૧૪ ગુણઠાણામાં જીવોની સંખ્યા ઉત્કૃષ્ટ હોય છે. ત્યારે હોય છે. કારણકે ૧૪ ગુણઠાણામાંથી પહેલા, ચોથા, પાંચમા, છઠ્ઠા-સાતમા અને તેરમા ગુણઠાણે જીવો હંમેશા હોય છે. અને બાકીના-૮ ગુણઠાણામાં જીવો ક્યારેક હોય છે. અને ક્યારેક નથી હોતા. અને જ્યારે જીવો હોય છે. ત્યારે પણ તે ૮ ગુણઠાણામાંથી કોઇક ગુણઠાણે જીવોની સંખ્યા જઘન્ય હોય છે. અને કોઇક ગુણઠાણે જીવોની સંખ્યા ઉત્કૃષ્ટ હોય છે. દા.ત. કોઇવાર ક્ષીણમોહગુણઠાણે જઘન્યથી એક-બે જીવો હોય છે. અને ઉપશાંતમોહગુણઠાણે ઉત્કૃષ્ટથી ૫૪ જીવો હોય છે. તે વખતે ક્ષીણમોહ કરતાં ઉપશાંતમોહ ગુણઠાણે જીવોની સંખ્યા વધુ હોવાથી
૨૮૭
