________________
સુદર્શનાએ ભાઈને પ્રતિબોધ આપ્યો. રાગ અને મમત્વબુદ્ધિ ઓછી કરાવી મોહ ઉપશાંત કરાવ્યો, વૈરાગ્ય ભાવ જગાડ્યો. તેથી નંદીવર્ધન પણ મહાવીરના માર્ગે ચાલવા તૈયાર થઈ ગયા. આમ ભાઈબીજ એ ભાઈ-બહેનના નિર્મળ સ્નેહના પરિતોષનું પર્વ બની ગયું.
દેવ સામે અન્નકૂટ ભરવાની ભવ્યતા સાથે, સુખસંપજા લોકોની સહાયથી દરિદ્રનારાયણ દિવાળી ઉજવે તો આ પર્વોત્સવની દિવ્યતા વધે છે.
જ્ઞાનીઓએ તો આ દિવસોમાં ઘરની સાફસુફી સાથે દેહરૂપી ઘરમાંના કર્મરૂપી જાળાં સાફ કરવા જણાવ્યું છે. માત્ર રાવણના પૂતળાને બાળી વિજયાદશમી ઉજવવાથી કશું નહીં વળે. રાવણને દસ માથાં હતાં, અહંકારને હજાર માથાં છે. અંતરમાં પડેલા અહમૂને બાળીને ભસ્મ કરીશું ત્યારે ભીતરના અહમને દર્શન થઈ શકશે. ઘરના આંગણામાં રંગોળી પૂરી, દીપમાલા પ્રગટાવી માત્ર દિવ્ય દિવાળી ન ઉજવતાં, આત્મઘરમાં સમકિતના સાથિયા પૂરી જ્ઞાનના દીપક પ્રગટાવી ભાવ દિવાળી ઉજવીએ, એ જ દીપાવલીનો સંદેશ છે. આપણા સૌમાં દિવાળીની ભવ્યતા સાથે દિવાળીની દિવ્યતાનું અવતરણ થાય તેવી પરમ સમીપે પ્રાંજલ પ્રાર્થના.
= વિચારમંથન
૭૩
