________________
ભારતીય સંસ્કૃતિ પર ધર્માતરણનું આક્રમણ
માનવીને પૂર્વના એક એવા સંસ્કાર છે કે તેને ધર્મ કરવો ગમે છે. અંદરથી ઊડે ઊંડે ધર્મ કરવાની અદમ્ય ઈચ્છા છે. તે ધાર્મિક વાતાવરણની, ધર્મ કરવાની તક શોધતો હોય છે. જ્યાં ધર્મ કરવાની ભૂમિકા સર્જાઈ ત્યાં તેનું ચિત્ત જાય છે. વારસાગત ગમે તે ધર્મ મળ્યો હોય.
ઘણીયે વાર એવું બને છે કે ધર્મ અનુકૂળતાને માર્ગે વળી જાય. જેમ કે ગામમાં સ્વામિનારાયણ મંદિર હોય અને ધીરે ધીરૂ ત્યાં જતા ત્યાંનું વાતાવરણ અનુકૂળ લાગતા તે ધર્મ પ્રતિ આકર્ષાશે. પારિવારિક કે વારસાગત જૈનોનો સ્થાનકવાસી ધર્મ હોય પરંતુ જે ગામમાં તે વસવાટ કરી સ્થિર થયો ત્યાં ઉપાશ્રય નથી અને દેરાસર છે તો થોડા વર્ષોમાં મંદિરમાર્ગી બની જવાની સંભાવના ખરી. આમ સાંપ્રદાયિક પરિવર્તન સહજ રીતે થઈ જતું હોય છે.
વળી એક વર્ગ એવો ચુસ્ત અને કટ્ટર હોય છે બહારના કોઈપણ પરિબળ એને કોઈપણ પ્રકારના પરિવર્તન માટે લલચાવી શકતા નથી.
ભારત સ્વતંત્ર બન્યા પછી બંધારણમાં મુસલમાનોનો અલગ કાયદો બન્યો જેમાં તેને લગ્ન અને વારસાહક્ક અંગેના વિશિષ્ટ કાયદાકીય લાભો મળ્યા, મુસલમાનોને બહુપત્નીત્વનો હક્ક મળ્યો. ઘણાં અન્યધર્મીઓ લગ્નનો આવો કાયદાકીય લાભ મેળવવા ધર્મપરિવર્તન કરતાં હોય છે. પરંતુ તેનું સ્વરૂપ માત્ર કાનૂની હોય છે. ભારતમાં બોદ્ધ ધર્મનો પ્રચાર પ્રસાર વધારવા અને ધર્મપરિવર્તન કરાવવા માટે જાપાને ખૂબ રસ લીધો.
હિન્દુપ્રજાના અન્ય ધર્મીઓને ઈસાઈ બનાવવાનું શિક્ષણ અને તબીબી સહાયની લાલચ આપી ધર્માતર કરાવવાનું એક વ્યવસ્થિત ષડયંત્ર ચાલે છે તો વળી બીજી બાજુ વધુમાં વધુ કોન્વેન્ટ સ્કૂલો સ્થાપી અને ભારતીય સંસ્કૃતિને બદલે પાશ્ચાત્ય સંસ્કૃતિનું શિક્ષણ આપણા બાળકોમાં આરોપિત કરવાનું ખતરનાક કાર્ય થઈ રહ્યું છે.
૧૫૪
| વિચારમંથન
