Page Text
________________
આપણા દેશમાં મલ્ટીનેશનલ કંપની દ્વારા અને મોટા ઉદ્યોગગૃહને ચોકલેટ બનાવવા માટે જોઈએ તેટલો દૂધનો પૂરવઠો સુલભ છે તેની સામે એક વાટકી દૂધ માટે વલખાં મારતું બાળક છે.
ચરિયાણો પરના અતિક્રમણ, પશુઓના ઘાસચારાના ઔદ્યોગિક વપરાશ પર અંકુશ અને નિયમનો અભાવ, ધી પ્રિવેન્શન ઓફ ક્રુઅલ્ટી ટુ એનિમલ એક્ટની છટક બારીઓ. ખાણ, ખોળ અને દૂધની આયાત નિકાસની અવ્યવહારુ નીતિને કારણે દૂધની અછત સર્જાય છે.
નેશનલ કેટલ કમીશને આગળ જણાવેલ તમામ હકીકતોથી પ્લાનિંગ કમીશનને વાકેફ કરવું જોઈએ. પશુરક્ષા ભારતીય સંસ્કૃતિ અને સમૃધ્ધિનો આધારસ્તંભ છે. કૃષિપ્રધાન દેશની જીવાદોરી કૃષિ મંત્રાલયને કસાઈ મંત્રાલય બનતું અટકાવવા આયોજન પંચ આ ભલામણોને લક્ષમાં લઈ મુસદ્દો બનાવશે તો આયોજન પંચનો આ ડ્રાફ્ટ જીવદયા, પશુરક્ષા, ગ્રામસ્વરાજ અને આર્થિક સુધારણાનો અમૂલ્ય અને પવિત્ર દસ્તાવેજ બની જશે.
દેશમી પંચવર્ષીય યોજનાના પ્રાસ્તવિક મુદ્દાઓના વિરોધમાં સ્વૈચ્છિક સંસ્થાઓના અભિયાનનું પરિણામ
જૈનાચાર્ય પૂ. ચંદ્રશેખરજી મહારાજ સા. અને અન્ય સંતોની પ્રેરણાથી, સ્વૈચ્છિક સંસ્થાઓ જેવી કે વિનિયોગ પરિવાર, બ્યુટી વીધાઉટ ક્રુઅલ્ટી, અહિંસા રિસર્ચ ફાઉન્ડેશન અને અન્ય અનેક જીવદયાની સંસ્થાઓએ દસમી પંચવર્ષીય યોજનાના માંસ નિકાસ અને કતલખાનાના મુદ્દાઓનો પ્રચંડ વિરોધ કર્યો. લોક જાગૃતિનો પુરુષાર્થ કર્યો. દેશનું પશુધન બચાવવા અને સમગ્ર દેશને કતલખાનું અટકાવવાનો સમ્યક પુરુષાર્થ કર્યો, તેના ફળસ્વરૂપે ભારતસરકારના આયોજન પંચના સલાહકાર ડૉ. એન. દાસ તરફથી તાજેતરમાં અ.ભા. કૃષિ ગૌસેવા સંઘ તથા એનિમલ વેલ્ફેર સોસાયટી ઓફ ઈન્ડિયાને પત્ર મળ્યો. જેમાં જણાવ્યું છે કે ‘માંસ'ને લગતી યોજનાની કોઈપણ ભલામણો આયોજન પંચે સ્વીકારી નથી અને વર્તમાનમાં કોઈપણ નવી યોજનાને સ્વીકૃતિ મંજૂરી આપવાનો પ્રસ્તાવ નથી.
આમ આયોજન પંચે હાલ પૂરતી તો આ દરખાસ્તો પડતી મૂકી હોય તેમ લાગે છે. છતાંય સરકારની નીતિ-રીતિઓ સામે જીવદયા પ્રેમીઓએ સતત જાગૃત રહેવાની આવશ્યકતા છે.
વિચારમંથન
૧૦૭
| SR No. | 032399 |
| Book Title | Vichar Manthan |
| Original Sutra Author | N/A |
| Author | Gunvant Barvalia |
| Publisher | Navbharat Sahitya Mandir |
| Publication Year | 2003 |
| Total Pages | 190 |
| Language | Gujarati |
| Classification | Book_Gujarati |
| File Size | 12 MB |