Page Text
________________
का चारित्र कैसे निर्दोष रहा होगा, यह चिन्तन करके उन्होंने प्रति-नमोस्तु नहीं किया। वहाँ पर श्रावकों का अभाव जानकर उपवास करते हुए संघ को चन्द्रगुप्त ने इस प्रकार कहा-हे रत्नत्रय- आराधको! उपवास मत करो, समीप में श्रेष्ठ-श्रावकों से परिपूर्ण एक ग्राम है, वहाँ आहार के लिए चलो।
चंदगुत्तस्स वयणं पमाणं किच्चा अच्छेरजुत्तो मुणिसंघो तत्थ आहारत्थं गदो। तत्थ सावगेहिं सव्वसंघस्स सविहिं आहारो दिण्णो। आहाराणंतरं सव्वे मुणी जहट्ठाणं गया। एगो खुल्लगो तत्थेव अप्पणो कमंडलुं चत्ता आगदो। पुणो सो कमंडलुं आणे, तत्थ गदो किंतु तत्थ णयरंण दिट्ठा अच्छेरजुत्तो जादो। एगस्स पादवस्स साहाए पलंबंतं णिय-कमंडलुंगहिऊण सो सट्ठाणं आगदो।आइरियस्स समीवे तेण सव्वो वुत्तंतो कहिदो।
किंचि चिंतिऊण विसाहायरिएण भणिदं-अहो, इणं चंदगुत्तस्स गुरुभत्ती तवस्स माहप्पं च संति। अस्सेव पहावेण देवेहिं इमो अदिसओ किदो। तयणंतरं चंदगुत्तस्स पडिवंदणा काऊण एवं भणदि-भो चंदगुत्त! तवप्पहावेण तुमए तहा अज्ज सव्वसंघस्स देवकप्पिओ आहारो पाविओ त्ति णवरि चिदं णत्थि, अदो पायच्छित्तं घेतव्वं।
सव्वेहिं पायच्छित्तं किदं। तदो समाहिसाहणत्थं चंदगुत्तमुणी तत्थेव ठिदो तहा सव्वसंघो उत्तरदिसाए विहारं कुव्वंतो कमेण पाडलीपुरं ( पाडलीपुत्तं) णयरं आगदो। ____ पाडलपुरम्मि ससंघ सिरी विसाहायरिओ आगदो त्ति जाणिऊण थूलभद्दादि मुणओ तस्स दंसणत्थं आगदा तेहिं च णमोत्थु त्ति किदं किंतु आयरिएण पडिवंदणा ण किदा, अविदु पुच्छिदं-तुम्हेहि इणं किं सासणं गहिदं?
तदा बुड्ढो थूलभद्द-मुणी अप्पणो संघस्स दोसं सिढिलायारंच चिंतिऊण णियसंघस्स विसए एवं भणदि-भो गुणग्गाहि! तुम्हे इमं कुमग्गं, अणायारं च छंडिऊण छेदोवट्ठावणं कुणध। जदि एवं ण करिहित्था तो घोरसंसारसायरे परिब्भमणं करिस्सध। ___ केहिंचि साहूहिं सम्मग्गो गहिदो, किंतु केसिंचि सिढिलायरणाणं इणं कहणं ण रुचिदं। अइ-अग्गहं कुव्वंतो थूलायरिओ केहिंचि कुद्धेहिं साहहिं गत्तम्मि पाडिदो। तत्थ अट्टझाणेण मरिऊण सो देवगदिं पत्तो।
ओहिणाणेण पव्व-वृत्तत्तं जाणिऊण तेण कुमग्गरदेसु घोर-उवसग्गं कुव्वंतेण भणिदं-अणायारं मुंचध, सम्मग्गं गेण्हध।
तं देवस्स वयणं सोच्चा सव्वे कुमग्गरदा सविणयं एवं उच्चंति- भयवं! णिग्गंथमग्गो अइदुक्करो अस्थि, तं पालेदं अम्हे असमत्था।
चन्द्रगुप्त के वचन को प्रमाण मानकर आश्चर्ययुक्त मुनिसंघ वहाँ आहार के
भद्दबाहु-चरियं :: 395
| SR No. | 032393 |
| Book Title | Sunil Prakrit Samagra |
| Original Sutra Author | N/A |
| Author | Udaychandra Jain, Damodar Shastri, Mahendrakumar Jain |
| Publisher | Bharatiya Gyanpith |
| Publication Year | 2016 |
| Total Pages | 412 |
| Language | Prakrit, Hindi |
| Classification | Book_Devnagari |
| File Size | 24 MB |