________________
1. भो राय! कप्पतरुणो भग्गसाहादसणेण, भाविकाले कोवि रायपुरिसो वेरग्गंण
धारेहिदि। 2. अत्थं गच्छंतस्स सूरस्स दंसणेण, अंग-पुव्वस्स णाणं कमेणं खीणं होहिदि। 3. चंदमंडले बहु-छिदस्स दंसणेण, जिणसासणे अणेग-भेदप्पभेदाणि होहिंति। 4. बारहफणजुत्तसप्पस्स दंसणेण, बारहवरिसपेरंतं दुब्भिक्खं होहिदि। 5. परिवट्टमाणस्स देवविमाणस्स दंसणेण, पंचमकाले देवदा चारणमुणी,
विज्जाहरा य पुढवीयले ण आगमिस्संति। 6. दूसियत्थले पफुल्लियस्स कमलस्स दंसणेण, सेट्ठ-कुलीण-पबुद्धा जणा
वि कुधम्मं सेविस्संति। 7. भूद-पिसायस्स णच्च-दसणेण, कलिकाले मणुस्सा बाहुल्लेण कुदेवे सढुं
करिस्संति। 8. खज्जोदस्स उज्जोय-दसणेण, जिणधम्माराहगा थोवा भविस्संति कुधम्माराहगा
बहुगा होहिंति। १. कत्थइ सुक्कस्स च कत्थइ अप्पजल-भरिदस्स-तडायस्स दंसणेण,
तित्थखेत्तेसु धम्मो ण होहिदि, अहवा थोवं होहिदि। 10. सुवण्णपत्ते साणं खीर-खायणस्स दंसणेण, पासंडी णीयपुरिसा य लक्खीए
उवभोगं करिस्संति। 11. गयराये उवविट्ठस्स वाणरस्स दंसणेण, णीय-पुरिसा रजं करिस्संति। 12. सागरस्स सीमोल्लंघणस्स दंसणेण, सासणं सासणाहियारी य सच्छंदा होहिंति। 13. जुअल-गोवच्छेहिं रह-संचालणस्स दंसणेण जणा जोवत्तणे हि संजमधम्म __ गेण्हिस्संति। वुड्ढत्तणे समत्था ण होहिंति।। 14. उटै आरोहमाण-रायपुत्तस्सदसणेण, रायाणो कुमग्गिणो णिस्सीला
धम्महीणा य होहिंति। 15. रयजुत्तरयणरासि-दसणेण णिग्गंठ-मुणी परोप्परं णिस्सिणेहा होहिंति। 16. किण्ह-गयाणं जुद्धदंसणेण कलिकाले पजत्तं मेहा ण वरिसिस्संति। णिय-सोलह-सिविणाणं फलाण सुणिऊण राया संसार-सरीर-भोगेहितो अदिविरत्तो जादो।णियपुत्तस्स बिंदुसारस्स रजसिंहासणं दाऊण तेण महाराएण सिरीभदबाहु-सामित्तो भवभयमहिणी-अपुव्वसंतिदाइणी-एगंत-विरदिरूवाजिणदिक्खा पत्ता। 1. हे राजन्! कल्पतरू की भग्नशाखा देखने से भविष्य में कोई भी राजपुरूष
वैराग्य धारण नहीं करेगा। 2. अस्त होते हुए सूर्य को देखने से अंगपूर्व का ज्ञान क्रमशः क्षीण होगा। 3. चन्द्रमण्डल में बहुछिद्र देखने से जिनशासन में अनेक भेद-प्रभेद होंगे। 388 :: सुनील प्राकृत समग्र
