________________
૩. કેટલાક દર પૂનમે દૂર દૂરથી યાત્રા કરવા અવશ્ય આવે છે. રેલવેની
સગવડ ન હતી ત્યારે પણ આજુબાજુનાં સ્થળોમાંથી પૂનમીયા એટલે પુનમની અવશ્ય યાત્રા કરનાર આવતા જ હતા. કેટલાક ૯૯ યાત્રા કરતા હોય છે ને કેટલાક જિંદગીમાં એક વાર તો
ચાર્તુમાસ કરતા હોય છે. ૪. કેટલાક ભાવિક લોકો પુત્ર કે પુત્રીના જન્મને ૪૦ દિવસ થયા
પછી અવશ્ય તે બાળક કે બાલિકાને ગિરિરાજની સ્પર્શના કરાવી દે છે, કેમ કે આ ગિરિરાજનો સ્પર્શ થાય તે જીવ કોઈ ને કોઈ જન્મમાં અવશ્ય મોક્ષમાં જાય જ. આયુષ્યનો ભરોસો નહીં, તેથી તે જીવના સ્થાયી કલ્યાણ ખાતર તેની સ્પર્શના જન્મ પછી થોડા દિવસોમાં કરાવી દેતા હોય છે. “પાપી અભવ્ય નજરે ન દેખે.” તેની સ્પર્શના માટે, તે ભૂમિની પવિત્રતાના સન્માન માટે ૧ - ૩ - ૫ - ૧૨- ૨૪ ગાઉની પ્રદક્ષિણાઓ ગોઠવાયેલી છે અને શ્રી સંઘ સાથે તે પ્રદક્ષિણાઓ કરવામાં આવે છે. તેના પણ સંઘો નીકળે છે. એ રીતે ભક્ત હૃદયો અનેક પ્રકારે એ ભૂમિની ભક્તિ,
સેવા, સ્મરણ, ધ્યાન વગેરે કર્યા વિના રહી શકતા નથી. ૬. એ જ પ્રમાણે તેની શાખાઓ હસ્તગિરિ, કદંબગિરિ વગેરેનું પણ
તેના સંબંધથી તથા બીજી કેટલીક રીતે પણ મહત્ત્વ છે. ૭. શ્રી શત્રુંજય નદીનું પણ મહત્ત્વ છે -
“શત્રુંજી નદી નાહ્યો નહી, એનો એળે ગયો અવતાર શેત્રુંજી નદી નાહીને, મુખબાંધી મુખકોષ દેવ યુગાદી પુજીએ, આણી મને સંતોષ શ્રી કદંબગિરિની તળેટીમાં હાલમાં મહાવીર સ્વામીનું દેરાસર છે, તે નવું જ છે, પરંતુ તે જ ઠેકાણે પ્રાચીન કાળમાં દેરાસર હોવાનો ઉલ્લેખ મારી યાદી પ્રમાણે શત્રુંજય મહાત્મમાં છે એટલે ત્યાં જ નવું દેરાસર બંધાયું છે.
- ૮૮
