________________
પૂછવું પડે. તમારી બંનેય તરફથી સમજણની બાબતમાં પરાશ્રિતતા છે, માટે બંનેય તરફ જાણવાની ફરજ છે. એકતરફીએ એમાં ધ્યાન રાખવું હિતાવહ નથી.
પેઢીના ભક્ત તરીકે હું મને ઓળખું છું. આટલાં વર્ષો ઘણી ખામીઓ જાણવા છતાં તેના પક્ષમાં જ રહ્યો છું. પરંતુ જ્યારથી શેઠે ધર્મનિરપેક્ષ જોહુકમી ચલાવવા માંડી છે, અને બંધારણને રજિસ્ટર કરાવવાની હઠ લઈ બેઠા છે, તે સ્થિતિમાં મૌન રહું તોપણ જોખમ, અને બોલવામાં તમારા કહેવા પ્રમાણે ઊલટું પરિણામ આવે. તો શું કરવું?
અરે, શ્રી મુનિ મહારાજાઓને બદલે થોડાક ગૃહસ્થો તથા વકીલો મળીને નિયમો ઘડે. તેને નિયમાવલી કહેવી કે બંધારણ? એ પછી વિચારવાનું છે. પરંતુ જ્યાં દુરાગ્રહ હોય ત્યાં શું થાય? જેણે આ બંધારણ ઘડ્યું છે તેને કેમ જાણે કે ખાસ કરીને જૈન ધર્મની ગંધ પણ ન હોય એમ સ્પષ્ટ સમજાય છે. પછી તેના સિદ્ધાંતો અને તેના રહસ્યોની વાતના ખ્યાલની તો વાત શી? -
હું તો ચેતવણી આપું છું કે તમારે તે રાખવું હોય તો તે જ રાખો. મારું અંગત નુકસાન કોઈ થવાનું નથી. પરંતુ રજિસ્ટર કરાવ્યા પછી તમારા હાથની વાત નહીં રહે. હાથી આગળ પૂળો થઈ પડશે. પછી અટવાશો. પસ્તાશો. માટે ચેતવું છું. ન ચેતો તો તમારી મરજી. હું તો ચેતવણીનો ઘંટ વગાડતો રહીશ. તેનું ઊલટું કે સુલટું પરિણામ લાવવું તે તમારા સૌની મનોવૃત્તિ ઉપર આધાર રાખે છે. બહારવાળા તો તમારા બેચારની હા એ હા કરનારા હોય છે. ભાગ્યે જ પડઘો પાડતા હોય છે. એટલે તમારે મજા થાય કે બધા ઘણા પ્રતિનિધિઓની સમ્મતિથી કામ કર્યું છે. બીજે એમ કરો. પણ ધાર્મિક ક્ષેત્રમાં એમ ન કરો.
ધર્મના વિરોધીના વિરોધમાં એમ ભલે કરો, પરંતુ ધર્મપક્ષની સૂચનાઓ વિશે એમ ન કરો. પાપમાં પડશો. તમારો કોઈ સ્વાર્થ નથી. પુણ્ય ઉપાર્જન કરવા કામ કરો છો, પણ ત્યાં જ ગંભીર ભૂલ થાય, તો મહાપાપની સંભાવના છે. માટે વારંવાર લખું છું.
– ૭૮
