________________
પરંતુ આજે ઘણાં વર્ષોથી જીણોદ્ધાર શબ્દ બે અર્થમાં વપરાય છે. એક ફાયદાકારક અર્થ છે, બીજો નુકસાનકારક અર્થ પણ છે. તેથી ફાયદા કરનાર અર્થમાં જીર્ણોદ્ધાર કરાય તે ખરેખર અનુમોદના પાત્ર છે, પરંતુ બીજા અર્થમાં અનુમોદન પાત્ર નહીં, પણ પ્રત્યાખ્યાનપાત્ર સંભવે તે સ્વાભાવિક છે. એ જ વાત કળા, કારીગીરી, શિલ્પ, રમણીયતા વગેરે વિષે પણ છે.
આમાં બીજું કાંઈ બહુ ઊંડું રહસ્ય નથી. ધાર્મિક દૃષ્ટિ અને સૌંદર્ય દૃષ્ટિનો ફરક હોય છે. એકમાં કેવળ ધાર્મિક દૃષ્ટિ જ રાખવાની હોય છે, પરંતુ જ્યારે ત્યાં દુન્યવી સૌંદર્ય દૃષ્ટિનો પ્રવેશ થાય કે તે મુખ્ય બની જાય કે તે જ માત્ર હોય તો મહાઅનર્થનું કારણ બને છે. કોઈ પણ સહૃદયી સજ્જન આ સમજી શકે તેમ છે. આ ઊંડાણ સૂક્ષ્મ સમજશક્તિ વિના સમજી શકાય તેમ નથી એ ખાસ ખ્યાલમાં રાખવાનું છે, નહિતર ગેરસમજ થવાની સંભાવના છે.
જીર્ણોદ્ધાર પાછળ સોંદર્ય દષ્ટિ રાખવાનો હેતુ નીચે પ્રમાણે છે.
એક એવી ગુપ્ત યોજના છે કે બીજા એક ધર્મના ધર્મસ્થાનને શ્રી ગિરિરાજ કરતાં પણ વધારે મહત્ત્વ અપાવવા શ્રી ગિરિરાજનું મહત્ત્વ ઓછું કરાવવું. આ યોજના કોઈ નવી નથી, જૂની છે, પરંતુ તે ગુપ્ત રખાયેલી છે. આ યોજનાના એક ભાગરૂપે અર્થાત્ શ્રી ગિરિરાજનું ધાર્મિક મહત્ત્વ જાહેરમાં ભવિષ્યમાં ઘટાડવા માટે તેને કળાના ધામ, મનોરંજનના ધામ, મનોહર દશ્યના સ્થાન, કારીગીરીના અદ્ભુત નમૂના રૂપ વિકસાવવાનું છે. તેમ કરીને તીર્થની યાત્રાને બદલે પ્રવાસના હેતુથી વિઝિટરો ત્યાં આવે અને આકર્ષણ વધે તેમ કરવાની જૂની સરકારની યોજના છે.
૨૫ લાખ કે વધુ મોટી રકમો ખર્ચીને તેનું આકર્ષણ તથા અદ્યતન સગવડો વધારવામાં આવનાર છે. આ વાત તમારા જાણવા બહાર હોય તેમ માનવા કારણ નથી. અલબત્ત, હાલમાં તે સ્થગિત છે, પરંતુ બંધ કરેલી નથી. ક્યારે પાછી ઊપડે તે કહી શકાય તેમ નથી.
