________________
બીજારોપણ કરવામાં આવ્યું છે. અશોક, અશોક ચક્ર, ચાર સિંહોની મુદ્રા, દલાઈ લામાને ભારતમાં લાવવા, તેને અમાંસાહારી બનાવી શાકાહાર પરિષદ મારફત ભારતની અહિંસક પ્રજામાં જાહેરમાં આગળ લાવી બૌદ્ધ ધર્મના પ્રચારને વેગ અપાવવાની નીતિ શરૂ કરાઈ છે. જેનાં કારણો તે બીજાં-ત્રીજાં બતાવવામાં આવતાં હોય છે, પરંતુ ખરું કારણ ઉપર બતાવ્યું તે છે. ઇતિહાસ તથા ભૂગોળનાં પુસ્તકોમાં બૌદ્ધ ધર્મ ક્યાં ક્યાં ફેલાયેલો છે તેનાં ચિત્રો વિદ્યાર્થીઓની સામે આવ્યા કરે તેવી રીતે પાઠયપુસ્તકોમાં જોવા મળશે.
(૪) ત્યાર બાદ એટલે કે એશિયામાં બૌદ્ધ ધર્મને બહુમતમાં રાખી અને વૈદિક અને ઇસ્લામને લઘુમતમાં રાખી તેમને દબાવવા માટે બૌદ્ધ ધર્મનો બહુમતી હથિયાર તરીકે ઉપયોગ કરવામાં આવે, માટે તેના પ્રચારને પડદા પાછળથી મોટા પાયા ઉપર ટેકો આપવાની નીતિ કામે લગાડાઈ છે. એ કારણે ભારતના નવા રાષ્ટ્રધ્વજમાં રેંટિયાને બદલે પછી અશોક ચક્ર દાખલ કરાવાયું હતું, કેમ કે તેવી બાબતોના મૂળ યોજકો આપણા દેશના નેતા બંધુઓ નથી હોતા, તેઓ પ્રચારકો હોય છે. યોજકો તો જુદા જ હોય છે.
(૫) છેવટે યહૂદી અને બૌદ્ધ ધર્મની લઘુમતીઓને ખ્રિસ્તી બહુમતમાં સમાવી લેવાની યુક્તિ પણ ગોઠવાઈ ગઈ છે. તેને માટે “બૌદ્ધ ધર્મની દશ આજ્ઞાઓ અને ખ્રિસ્તી ધર્મની દશ આજ્ઞાઓ સમાન છે” એ મુદ્દો આગળ કરીને ટેન કમાન્ડમેન્સની ફિલ્મો યુવકો વગેરેને બતાવાય છે. અને દશ આજ્ઞાઓની સમાનતાઓને પ્રચારીને બતાવાય છે કે ઈશુ ખ્રિસ્તના જીવનનાં ૧૮ વર્ષોની હકીકત બરાબર મળતી નથી. તેના કારણમાં એમ કહેવાય છે કે “તે ભારત તરફ ગયેલા અને હિમાલયમાં ૧૮ વર્ષ રહી એક બૌદ્ધ સાધુ પાસે રહી તે ધર્મનો પરિચય મેળવ્યો. જેથી દશ આજ્ઞાઓ સરખી છે.” કદાચ એમ હશે, પરંતુ આજનો પ્રચાર તો એશિયામાં બૌદ્ધ ધર્મની બહુમતી થવા દઈ, વૈદિક અને ઇસ્લામને લઘુમતીમાં રાખી દઈ, છેવટે ટેન કમાન્ડમેન્ટ્સની વાત આગળ કરીને, ખ્રિસ્તી બહુમતમાં તેને પણ લઘુમતી સંપ્રદાય ગણીને સામેલ કરી લેવાની યોજનાઓ ગોઠવાઈ ગઈ છે.
-
૫ ૧
