________________
સંતતિ પ્રત્યે માબાપનું કર્તવ્ય ન્યાવિક્રયનું પરિણામ
જે માબાપ આપત્તિની ખાતર કન્યાવિક્રય કરે છે તે પણ તેટલાં જ અધમ છે. કારણ કે આપત્તિ એ માનવધર્મની કસોટી છે. તેમાં જે માનવધર્મ ચૂકે છે તેઓ પોતાનું મૃત્યુ જ ખેંચી લાવે છે.
કોઈ પ્રશ્ન કરે કે કન્યાવિક્રય કરવાથી નુકસાન શું? તેને ઉત્તર સ્પષ્ટ છે કે કન્યાવિક્રય કરનાર પ્રથમ પિતાને આત્મા વેચે છે. કારણ કે પ્રેમ એ આત્માનું સ્વરૂપ છે. જ્યારે આ કાર્ય તો અંતઃકરણમાં વહેતી પ્રેમમય લાગણી સાવ સૂકાઈ જઈ તે નિર્દય બને ત્યારે જ બની શકે છે. એટલે એ કાર્ય પ્રથમ તો આત્મસ્વરૂપનું જ ઘાતક છે.
વળી જે માબાપ લેશ પણ સ્વાર્થની આશા રાખે છે તે પોતાની કન્યા માટે યોગ્ય પાત્ર જોઈ શક્તાં નથી. તેથી આવા અયોગ્ય પાત્રને પનારે પડેલી તે અબળાના દિલને દુભાવવાના પાપમાં ભાગીદાર પણ તે જ બને છે. વૃદ્ધલગ્ન
વૃદ્ધલગ્નનો વિકાસ આ વૃત્તિને અંગે જ થવા પામ્યો છે. એને તેનું પરિણામ શું આવ્યું છે તે તો સામે ઊભેલી વિધવાઓ પિતે જ સાક્ષી આપી રહી છે, અને જ્યાં જ્યાં અણમેળ લગ્ન અને કજોડાંનાં લગ્ન થયાં હોય છે ત્યાં ત્યાંથી ફલાણું સ્ત્રી બળી મરી, ફલાણુએ કૂવો પૂર્યો, એવીએવી અશ્રોતવ્ય વાતો અને આર્તનાદો સંભળાય છે. સમાજની મહાન દુર્દશા કરનાર આ ઘાતકી પ્રથાને શીધ્રાતિશીધ્ર નાબૂદ કરવી જોઈએ, અને માબાપોએ પિતાની પુત્રીની યથોચિત સંમતિ મળ્યા પછી જ તેમનાં લગ્ન કરવાં જોઈએ.
કેટલેક સ્થળે કન્યાવિક્રયને બદલે વરવિય થતો જોવામાં આવે છે. જે સમાજમાં કન્યાઓનું પ્રમાણ અધિક હોય છે ત્યાં આવી જાતની કુપ્રથા ચાલી રહેલી હોય છે. આ કુપ્રથાને પરિણામે એક ઉપર બીજી કે ત્રીજી પત્ની પરણતાં મનુષ્ય લાજતો નથી. ત્યાં સોય
