________________
“જૈન”ના વાર્ષિક ભેટ પુસ્તક માટે આવું જ સાહિત્ય તૈયાર કરવાની અમારી હંમેશની દ્રષ્ટિ છે તેની પૂતિ રૂપે છેલ્લા બે-ચાર સૈકાના જીવંત પાત્રાનાં મૂર્ત કથાનકેને સંગ્રહ ગત વર્ષે વાચક સમક્ષ રજૂ કરવા પછી આ દિશામાં વધુ પ્રયાસ કરતાં આ બીજુ પુષ્પ સમાજ સમક્ષ રજુ કરવાનું સદ્ભાગ્ય સાંપડયું છે. કોઈપણ પ્રાંત કે ગામના ટીંબેથી અણખેડાયેલ પ્રખર વ્યક્તિત્વને આદર્શ ઈતિહાસ જળકતો હોય છે. ફક્ત તે તરફ જનતાની રૂચ જાગૃત થવી જોઈએ.
ઐતિહાસિક પાત્રોના સંશોધનમાં રસ લઇ રહેલા બે-ચાર સાહિત્ય પ્રેમીઓ સાથે પત્રવ્યવહાર શરૂ કરવામાં આવતાં, શ્રીયુત ડુંગરશીભાઈ ધરમશી સંપટે અમારા મનોરથને પહોંચી વળવાનું ઉત્સાહપૂર્વક બીડું ઝડપ્યું. ઐતિહાસિક સંશોધક તરીકે તેઓની સેવા જાણીતી છે. વાચકામાં રસવૃત્તિ જગાવવા ખાતર અતિહાસિક પ્રસંગોને કેવળ નવલકથાના તરંગોથી રંગવાનું તેઓ પસંદ કરતા નથી. ઈતિહાસ એ તે જગતની આરસી છે. તે હંમેશા શુદ્ધ અને તેના યથાર્થ સ્વરૂપમાં જ શોભે-આ રાહે તેઓ કોઈ પણ ઐતિહાસિક પાત્રને ઉપાડે છે, અને તેની મહત્તાના પ્રસંગેની ગુંથણું સાદા સરળ છતાં રસિક રૂપમાં, કોઈપણ જાતની અતિશયેક્તિ વિના રજૂ કરે છે. આ પુસ્તકમાં જે કથાનકે તેઓએ રજૂ કર્યા છે તે પણ એટલી જ ચીવટપૂર્વક એક સત્ય શોધકને છાજે તે રીતે તેઓએ આલેખ્યાં છે. તેને પરિચય અન્યત્ર આપવામાં આવેલ છે. તેમાં કંઈપણ વધુ શબ્દો ઉમેરવા કરતા વાંચક પિતે જ રજૂ થએલ રસ સામગ્રી વાંચી લેખકના પ્રયાસની કદર કરે તે વધારે ઈષ્ટ છે. એમ છતાં આ પ્રસંગે એટલું કહ્યા વિના નથી રહી શકાતું કે આવું સુંદર અને જરૂરી સાહિત્ય પૂરું પાડવા, તેમજ ભવિષ્યમાં વધુ તૈયાર કરવાની જે સેવા–ભાવના તેઓએ દાખવી છે તે માટે સમસ્ત જૈન સમાજ તેઓને ઋણી રહેશે.
