________________
16: નિશ્રેણી ૨-૧ . “ગર્વિષ્ઠ બનીશ તે યુદ્ધની બલાને નોતરી લાવીશ. ચેત રહેજે કે પૂજા તારું પતન ન કરે, જયનાદ તને જડ ન બનાવે. ચક્રવતી થઈને આર્યાવર્તને ને આત્માને ઉદ્ધાર કરજે. બંને કરવાં અનિવાર્ય છે. બેમાંથી એકની સાધના કરનાર એટલે અપૂર્ણ રહેશે.”
બાહુબલિને સમજાવતાં કહ્યું, “બાહુ! તું અજિતવીર્ય થજે. અજેયતા કેવલ જીતમાં જ નથી. પરાજય કે હાર હસતે મુખે ખમી ખાવામાં પણ છે. અજેયતા શત્રુ જીતવામાં નથી. અંતરની અજેયતા પર પ્રથમ લક્ષ આપજે. પુરુષાથી કદી હારતું નથી. ત્યાગી કદી ગરીબ થતું નથી. પ્રેમી કદી નિરાધાર બનતો નથી. સાચો આર્ય બની આર્યાવર્તને સંસ્કાર આપજે.” . 1 સુંદરી આગળ આવીને બેલીઃ “પિતાજી! મને કંઈક કહે.”
“સુંદરી! સાચું સૌંદર્ય આત્માના સૌંદર્યનું પ્રતીક હોવું ઘટે. આંતર-બાહ્ય એકતા ન જમે તે એ સૌંદર્ય ફણીધરના મસ્તક પર રહેલા મણિની જેમ ભયંકર છે. વિકારોનું પોષણ ને વિવેકની રક્ષા એ, “ખાવું ને ગાવું”ની જેમ એક સાથે નહી થઈ શકે. તમારી બુદ્ધિ તમારા હૃદય પર રાજ ન કરે, તે જોજે.”
પૃથ્વીનાથ સુંદરીને પ્રત્યુત્તર આપી બ્રાહ્મી તરફ ફર્યા ને બોલ્યાઃ “બ્રાહ્મી ! માનવતાની મહાસાંકળના આપણે સહુ નાનામેટા અકડા છીએ. ભરત એક આર્યાવર્ત સરજે.
