________________
xiv
ನಮ್ಮ 31 ವರ್ಷಗಳ ಸತತ ಶ್ರಮ, ಶ್ರದ್ಧೆಗಳ ಫಲವಾಗಿ ಬೆಳಕು ಕಾಣುವಂತಾಗಿದೆ. ಇದನ್ನು ಮಂಗಳಕರ ದಿನವಾದ ಕಾರ್ತೀಕ ಪೌರ್ಣಿಮೆಯಂದು, ಮಾತ್ರವಲ್ಲ ಶ್ರೀಮದ್ ರಾಜಚಂದ್ರಜೀಯವರ (ಗುರು ನಾನಕರ ಸಹ) ಜನ್ಮದಿನದಂದು ಮತ್ತು ಪುಣ್ಯಕರವಾದ ಸಿದ್ಧಾಚಲ ಯಾತ್ರೆಯ ತಿಥಿಯಂದು ಸಹ ಬೆಂಗಳೂರಿನಲ್ಲಿ ಪೂಜ್ಯ ಜೈನ ಆಚಾರ್ಯ ಶ್ರೀ ಚಂದ್ರಾನನ ಸಾಗರಜಿಯವರ ದಿವ್ಯ ಸನ್ನಿಧಿಯಲ್ಲಿ ರಾಜ ಸಂಭ್ರಮದಲ್ಲಿ ಬಿಡುಗಡೆ ಮಾಡಲಾಯಿತು. ಸಾವಿರಾರು ಭಕ್ತರನ್ನು ಆಚಾರ್ಯ ಚಂದ್ರಾನನ ಸಾಗರಜೀಯವರು ಪ್ರತಿ ತಿಂಗಳು ತಮ್ಮ ಮಂತ್ರ ಮುಗ್ಗ ಮಾಂಗಲಿಕ ಭಾಷಣದಿಂದ ಆಕರ್ಷಿಸುತ್ತಿದ್ದಾರೆ. ಪ್ರೊ. ಟೊಲಿಯಾರವರನ್ನು ಅವರ ವಿವಿಧ ತರಹದ ಕೊಡುಗೆಗಳಿಗಾಗಿ ಪ್ರಶಂಸಿಸುತ್ತಾ, ಅಧ್ಯಯನಶೀಲ, ಜ್ಞಾನಪಿಪಾಸು, ಶ್ರೀ ಅಶೋಕ ಸಂಘೀಯವರು ಸಪ್ತಭಾಷಿಯ ಪದ್ಯರೂಪಕದ ವಿಶ್ವಾತ್ಮಕ ಭಾವ ಹಾಗೂ ಉಪಯುಕ್ತತೆ ಬಗ್ಗೆ ಬೆಳಕು ಚೆಲ್ಲುತ್ತಾ, ಅದನ್ನು ಬಿಡುಗಡೆ ಗೊಳಿಸಿದರು. ಸಂಪಾದಕರು ಆಧ್ಯಾತ ಸಾಹಿತ್ಯ ಹಾಗೂ ಸಂಗೀತ ಕ್ಷೇತ್ರಗಳಿಗೆ ನೀಡಿದ ಕೊಡುಗೆಗಳ ಬಗ್ಗೆ ಆಚಾರ್ಯಜೀಯವರು ಮೆಚ್ಚುಗೆ ವ್ಯಕ್ತ ಪಡಿಸಿದರು.
''ಸಪ್ತ ಭಾಷಿ ಆತ್ಮಸಿದ್ದಿ' ಯು 31 ವರ್ಷಗಳ ದೀರ್ಘ ಸಾಧನೆ ಹಾಗೂ ಪರೀಕ್ಷೆ, ಪ್ರಯೋಗಗಳ ಇತಿಹಾಸ ಹೊಂದಿದ್ದುದರ ಸುಳುವುಗಳನ್ನು ಅದರ ಪುಟಗಳಿಂದ ಕಾಣಬಹುದು. ಆತ್ಮಸಿದ್ದಿ ಶಾಸ್ತ್ರದ ಪದ್ಯ ರೂಪದ ಪರ್ಯಾಯ ಭಾಷಾಂತರಗಳು ಮೂಲ ಗುಜರಾತಿಯ ಹೊರತಾಗಿಯೂ ಸಂಸ್ಕೃತ, ಹಿಂದಿ, ಮರಾಠಿ, ಬೆಂಗಾಲಿ, ಕನ್ನಡ ಹಾಗೂ ಇಂಗ್ಲೀಷ್ ಭಾಷೆಗಳಲ್ಲಿದ್ದು, ಅವುಗಳ ಸಂಶೋಧನಾಯುಕ್ತ ಟಿಪ್ಪಣಿಗಳೂ ಸಹ ಇವೆ. ಸುಂದರವಾದ ಮುಖ ಪುಟದೊಂದಿಗೆ ಮಹಾತ್ಮಾ ಗಾಂಧೀಜೀಯವರ ಮತ್ತು ಶ್ರೀಮದ್ ರಾಜಚಂದ್ರಜೀಯವರ, ಚಿತ್ರಫಲಕಗಳನ್ನು ಒಳಗೊಂಡು 200 ಪುಟಗಳ ಎ-4 ಡೆಮಿ ಗಾತ್ರದಲ್ಲಿ ಈ ಭಾಷಾಂತರ ಕೃತಿಗಳು ಹೊರಹೊಮ್ಮಿದ್ದು ಆ ಮೂಲಕ ಓದುಗರನ್ನು ಲೇಖಕರು ಆಕರ್ಷಿಸುತ್ತಾರೆ.
