Sant Shisyani Jivan Sarita

SR No.: 032293
Original Sutra Author: N/A
Author: Pratap J Tolia
Publisher: Nanchandra Maharaj Smarak Trust
Publication Year: 1972
Total Pages: 212
Language: Gujarati
Classification: Book_Gujarati
File Size: 17 MB

Page 192

‘સંત-શિષ્યની જીવનસરિતા
૧૭૩ ચાતુર્માસ દરમિયાન ખૂબ જાગૃતિ લાવ્યા અને તેરાપંથીને નિષ્ફળ બનાવ્યા. તે વખતે જોરાવરનગરમાં ઉપાશ્રયની સુવિધા ન હતી. તેથી શ્રી કાનજી ચત્રભુજના બંગલે ચાતુર્માસ કર્યા. સમાજમાં ભકિતભાવ ઠીક જાગ્રત થયો. ચાતુર્માસ પૂર્ણ કર્યા.
૪૯. જોરાવરનગર : સંવત ૨૦૦૫: ઈ. સ. ૧૯૪૯
ઠાણા ૨ ઉપર મુજબ. પહેલા ચાતુર્માસ પૂર્ણ કરી વિહાર શરૂ કર્યો. પણ હવે નિવૃત્તિ લેવાની ભાવના હતી એટલે શાનિતધામ સાયલામાં પધાર્યા. દરમિયાન તેરાપંથી સાધુઓએ બીજા વર્ષે પણ જોરાવરનગરમાં થાણું નાખ્યું હતું. ગયા વર્ષે જે પુરુષાર્થ કર્યો હતો તેથી જોરાવરનગર સંઘ ખૂબ પ્રભાવિત થયા હતા. સૌરાષ્ટ્રમાં આવા પ્રભાવક પુરુષ પૂજ્ય મહારાજશ્રી એક જ હતા તેથી આ વર્ષે પણ સમાજના કોયની ખાતર જોરાવરનગર સંઘે બીજા ચાતુર્માસ કરવાની વિનંતિ કરી. પરિણામે ૭૧ વર્ષની જૈફ ઉમરે પણ એટલો જ ઉત્સાહ ધરાવતા પૂજ્ય મહારાજશીએ ધર્મ-સંસ્કૃતિના રક્ષણ માટે નિવૃત્તિને ગૌણ કરી જોરાવરનગર સંઘની વિનતિ સ્વીકારી જોરાવરનગરમાં ચાતુર્માસ કર્યા. આ વખતે ચંદુલાલ ચુનીલાલના ‘વસંતનિવાસ’ નામના બંગલામાં ચાતુર્માસ પૂર્ણ કર્યા. તેરાપંથી જમાતને મજબૂત સામનો કર્યો. પરિણામે તેરાપંથી સાધુઓ ઝાલાવાડને પ્રદેશ છોડી ગયા. આ ચાતુર્માસમાં સેવાનો લાભ લેવા મહાસતિ શ્રી મોતીબાઈ આર્યાજી, વિદુષી મહાસતી શ્રી પ્રભાકુંવરબાઈ આર્યાજી, મહાસતી શ્રી ચંદનબાઈ, મહાસતી ચંપાબાઈ ઠાણા ૪ ના ચાતુર્માસ પણ જોરાવરનગરમાં થયા હતા.
૫૦. સાયલા: સંવત ૨૦૦૭: ઈ. સ. ૧૯૫૦
ઠાણા ૨ ઉપર મુજબ જોરાવરનગર ઉપરાઉપરી બે ચાતુર્માસ કર્યા પછી હવે પોતે સ્થિરવાસ રહેવાનું વિચારી રહ્યા હતા. શાન્તિ માટે છેલ્લાં કેટલાંક વર્ષથી પોતે સાયલા પોતાની જન્મભૂમિ) ક્ષેત્ર પસંદ કર્યું હતું એટલે ત્યાં આવીને રહ્યા, દરમિયાન થાનના વતની માણેકચંદભાઈની સુપુત્રી બેન પ્રભાવતી જે મહાસતીશ્રી હેમકુંવરબાઈ આર્યાજી પાસે વૈરાગ્યભાવે અભ્યાસ કરતાં હતાં તેની આશા થઈ જવાથી ચૈત્ર સુદ ૬ શનિવારના રોજ તેને સાયલામાં દીક્ષા આપી અને તેનું શુભ નામ આર્યાજી પુષ્પાબાઈ રાખ્યું. સાયલામાં જ ચાતુર્માસ પૂર્ણ કર્યા.