Page Text
________________
૧૭૦
દરેક ચાતુર્માસની સંક્ષિપ્ત નોંધ
શ્રી સમજબાઈ આર્યાજી ઠાણા ૨ ને તાબડતોબ સંઘની આજ્ઞા મેળવી ડોળિયા પહોંચવા માટે વિહાર કરાવ્યો. અહીં ડોળિયામાં ખરેખર તે વખતે સેવાની જરૂર હતી. ઉગ્ર વિહાર કરી દાણા ૨ આવી પહોંચ્યા. ડૉકટરો અને દવા તેમ જ ઉપચારોમાં કંઈ કમી ન હતી, પરંતુ દર્દમાં કંઈ સુધારો ન થયો એટલે ચાતુર્માસ પૂર્ણ થયે ત્યાંથી ચોટીલા જવાનું થયું. પછી ત્યાંથી લીંબડી સંઘની આજ્ઞા થતાં સ્થળાંતર કરી લીંબડી હોસ્પિટલમાં દાખલ થવું પડયું. હોસ્પિટલમાં એકંદર સાતેક મહિના સારવાર કરવાથી ધીમે ધીમે તબિયતમાં સુધારો થયો, એટલે કે વિહાર કરી શકાય તેવું થયું.
અહીં એ નેંધ લેવી જરૂરી છે કે મુનિશ્રી સૌભાગ્યચંદ્રજી(હાલના સંતબાલજી) પૂજ્ય ગુરુમહારાજથી છૂટા થયાને સાત સાત વર્ષ વીતી ગયાં હતાં, તેમ છતાં પણ તેઓની વચ્ચે પરસ્પર સદ્ભાવ જળવાઈ રહ્યો હતો. એટલે પૂજ્ય ગુરુદેવની માંદગીની જાણ થતાં તેમાં લીંબડી આવ્યા હતા. જોકે આ માંદગી દરમિયાન તેઓના(પૂજ્ય ગુરુદેવના) પટ્ટશિષ્ય મુનિશ્રી ચુનીલાલજી સ્વામી અનન્યભાવે સેવામાં જોડાયેલા હતા. તેમ છતાં પણ મુનિ સૌભાગ્યચંદ્રજી અમુક સમય સુધી લાગણીપૂર્વક હોસ્પિટલમાં રહ્યા હતા.
૪૩. લીંબડી: સંવત ૧૯૯૯ : ઈ. સ. ૧૯૪૩
દાણા ૨:પૂજ્ય મહારાજશ્રી નાનચંદ્રજી મહા. તથા મુનિ શ્રી. ચુનીલાલજી સ્વામી. લાંબી અને ગંભીર માંદગીમાંથી તબિયત સુધરતાં, ક્ષેત્રસ્પર્શના માટે વિહાર કરવાનું મન થયું. પરંતુ શ્રી સંઘે ચાતુર્માસ તે લીંબડીમાં જ કરવાનું નક્કી કર્યું અને વિનતિ કરી. એ વિનતિને સ્વીકાર થયો. ત્યારબાદ ઠાણા ૨ લીંબડીથી વિહાર કરી વિચારવા લાગ્યા. દરમિયાન મહાસતી શ્રી દેવકુંવરબાઈ આર્યાજી તથા વિદુષી મહા. શ્રી પ્રભાકુંવરબાઈ આર્યાજી પાસે થાનના બેન ચંચળબેન વૈરાગ્યભાવે અભ્યાસ કરતાં હતાં તેની આજ્ઞા થઈ જવાથી વૈશાખ વદ ૬ બુધવારે (સંવત૧૯૯૮) તેમને થાનમાં દીક્ષા આપી. નવદીક્ષિતાબેનનું શુભનામ મહાસતી શ્રી ચંદનબાઈ રાખવામાં આવ્યું. તે વખતે પૂ. મહારાજશ્રીના પરિવારવાળું મોટું સાધ્વીમંડળ પણ ત્યાં હાજર હતું. ત્યારબાદ અનુક્રમે વિહાર કરતાં કરતાં ચાતુર્માસ માટે લીંબડી પધાર્યા.
૪૪. ચોટીલા: સંવત ૨૦૦૦: ઈ. સ. ૧૯૪૪
ઠાણા ૨: મહા. શ્રી નાનચંદ્રજી મહારાજ તથા મુનિ શ્રી ચુનીલાલજી સ્વામી.
| SR No. | 032293 |
| Book Title | Sant Shisyani Jivan Sarita |
| Original Sutra Author | N/A |
| Author | Pratap J Tolia |
| Publisher | Nanchandra Maharaj Smarak Trust |
| Publication Year | 1972 |
| Total Pages | 212 |
| Language | Gujarati |
| Classification | Book_Gujarati |
| File Size | 17 MB |